Foto: Reuters
Eron hukumati ekzistensial tahdid yuzaga kelgan taqdirda yadroviy doktrinani o‘zgartirishni istisno qilmaydi. Bu haqda mamlakat oliy rahnamosining maslahatchisi Kamol Xarroziy ma’lum qildi.
Uning so‘zlariga ko‘ra, mamlakat Yaqin Sharqda mojaro avj olishini istamasa-da, biroq bunga tayyor. Shuningdek, u Isroilni etnik “qirib yuborish”da ayblagan.
“Eronga ekzistensial tahdid yuzaga kelgan taqdirda ham yadroviy doktrinani o‘zgartirish mumkin. Yadro qurolini ishlab chiqarish uchun texnik imkoniyatlarimiz mavjud, inqilob yetakchisining fatvosi esa bizni to‘xtatib turgan yagona narsa”, deydi eronlik siyosatchi.
Eronda 2003 yildan beri oliy rahnamoning fatvosi mavjud bo‘lib, unga ko‘ra islomga zidligi tufayli yadroviy qurol ishlab chiqarish taqiqlanadi. 2024 yil oktyabr oyida Eron qonunchilari Oliy milliy xavfsizlik kengashini mudofaa doktrinasini qayta ko‘rib chiqish va yadro qurolini yaratishga ruxsat berishga chaqirgan edi.
Kamol Xarroziy, shuningdek, hukumat hozirda o‘q-dorilar bilan bog‘liq siyosat o‘zgarishlarini ishlab chiqayotganini ma’lum qilgan. Xarroziyga ko‘ra, ballistik raketalar uchish masofasini oshirish rejalashtirilgan, shuningdek, Eron raketalarni yaratishda G‘arb davlatlarining xavotirlarini hisobga olgan.
“Agar G‘arbning o‘zi Eronning o‘z suvereniteti bilan bog‘liq xavotirlarini tan olmasa, mamlakat uzoq masofali raketalarni ishlab chiqishni boshlashi mumkin”, deya xulosa qilgan Xarroziy.
Isroilning Eronga hujumi
26 oktyabr kechasi yahudiy davlati armiyasi Erondagi harbiy obyektlarga havo hujumi uyushtirgan edi. Unda raketa ishlab chiqarish zavodlari va havo hujumidan mudofaa tizimlari nishonga olingan. Eron tomoni hujum qaytarilgani, biroq “cheklangan zarar” yetkazilganini bildirgan. Hujum munosabati bilan Eron Birlashgan Millatlar tashkiloti Xavfsizlik kengashining favqulodda yig‘ilishini o‘tkazishga chaqirgan.
AQSH mudofaa vaziri Lloyd Ostin Eron “xato” qilmasligiga va vaziyatni yanada keskinlashtirmasligiga umid bildirgan hamda Isroil zarbalari o‘zaro hujumlarga chek qo‘yganini ta’kidlagan.
Eron prezidenti Mas’ud Pezeshkiyon Isroil armiyasining havo hujumiga javob qaytarishga va’da bergandi.
“Biz urushni istamaymiz, ammo millatimiz huquqlarini himoya qilib, o‘zimizni mudofaa qilamiz. Sionistik rejimning tajovuziga javob qaytaramiz”, dedi Pezeshkiyon. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
