Foto: AP/ Janubiy Koreya prezidenti Yun Sok Yol
Donald Tramp AQSHdagi prezidentlik saylovlarida g‘alaba qozonganidan so‘ng, Janubiy Koreya hukumati Ukrainaga halokatli qurol yetkazib berish imkoniyatini qayta ko‘rib chiqmoqda. Bu haqda Janubiy Koreyaning ikki rasmiysiga tayanib Bloomberg xabar berdi.
Qayd etilishicha, endilikda Janubiy koreyaliklar respublikachining pozitsiyasini hisobga olishi kerak. So‘nggi bir necha hafta ichida Seul Rossiya va KXDR o‘rtasidagi yaqinlashish munosabati bilan Ukrainaga harbiy ko‘mak yetkazib berish imkoniyatini istisno qilmagan edi.
Bloomberg suhbatdoshlaridan biri Janubiy Koreya Donald Trampning mojaro bo‘yicha pozitsiyasi boshqa mamlakatlarning Ukrainani qo‘llab-quvvatlashiga qanday ta’sir qilishini kuzatayotganini aytgan. Janubiy Koreya prezidenti Yun Sok Yol mamlakat ittifoqchilari bilan hamkorlikda Kiyevga ko‘makni kengaytirishga tayyorligini ma’lum qilgan. U tafsilotlarga aniqlik kiritmagan.
Oktyabr oyi oxirida Janubiy Koreya mudofaa vaziri Kim Yon Xyon Shimoliy Koreya qo‘shinlarini Rossiyaga o‘tkazish taklif qilinganidan tashqari, Pxenyan Moskvani raketa va o‘q-dorilar bilan ta’minlayotgani haqida xabar bergan.
Vazirning so‘zlariga ko‘ra, Janubiy Koreyaning munosabati ko‘p jihatdan Rossiya Shimoliy Koreyaga qanday “o‘zaro xizmat” ko‘rsatishiga bog‘liq. Gap Ukrainaga halokatli qurollar yetkazib berish haqida bormoqda. Janubiy Koreya shu kungacha Ukrainaga faqat halokatli bo‘lmagan qurollarni jo‘natgan.
Rossiyadagi Shimoliy Koreya qo‘shinlari
Avvalroq AQSH Davlat departamenti Shimoliy Koreya askarlari hozirda Rossiya qo‘shinlari bilan birga Ukrainaga qarshi urushda qatnashayotgani haqida xabar bergan edi.
Foto:Yonhap
Qayd etilishicha, Pxenyan tomonidan Rossiya sharqiga yuborilgan 10 mingdan ortiq qo‘shinning asosiy qismi Kursk viloyatiga jo‘natilgan.
“U yerda Shimoliy Koreya askarlari Rossiya qurolli kuchlari bilan birgalikda jangovar harakatlarda qatnasha boshladi”, dedi departament vakili.
Ukraina prezidenti Vladimir Zelenskiy ham Shimoliy Koreya askarlari Kursk viloyatida Ukraina armiyasiga qarshi jangovar harakatlarda ishtirok etayotganini aytgan.
“KXDRning 11 ming askari hozirda Kreml qo‘shinlarini qo‘llab-quvvatlash uchun Kurskda bo‘lib turibdi va ular orasida talafot ko‘rganlar ham bor”, deb yozgan Zelenskiy. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Kim Chen In harbiylarni jangovar holatda turishga chaqirdi
22 noyabr kuni Cobalt avtomobiliga shartnoma ochilishi e’lon qilindi
Dunyoning mashhur ayollari kunni qanday boshlaydi?
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ikki tumanning hokim yordamchilari qo‘lga tushdi
Xitoyda markazida bog‘ bo‘lgan 270 metrli osmono‘par bino quriladi
