Germaniyada suriyaliklar Bashar Asad hokimiyatdan ag‘darilganini ommaviy ravishda nishonladi

^{Foto: Julius Christian Schreiner/dpa/picture alliance}
Germaniya bo‘ylab minglab suriyalik muhojirlar 8 dekabr, yakshanba kuni ko‘chalarga chiqib, o‘z vatanlarida Bashar Asad rejimi ag‘darilganini nishonladi. Dpa agentligi ma’lumotlariga ko‘ra, Essendagi yurish ishtirokchilari soni 11 ming kishini, Myunxenda — 6 ming, Berlinda — 5 ming, Maynsda — 3 ming kishini tashkil qildi. Bundan tashqari, suriyaliklar Hamburg, Nyurnberg, Hamm, Vuppertal, Dyusseldorf, Dortmundda aksiya uyushtirdi.

Poytaxtning ko‘plab Yaqin Sharqdan kelgan fuqarolar yashaydigan Kroysberg rayonida suriyaliklar feyerverklar otishdi va Free Syria deb yozib qo‘yilgan Suriya bayroqlarini hilpiratdilar.

Bir kun oldin, isyonchilar Damashqqa yetib kelgani ma’lum bo‘lgach, xuddi shunday ko‘cha aksiyasi Berlinning muhojirlar ulushi ko‘p bo‘lgan boshqa bir hududida — Noykyolnda bo‘lib o‘tdi. Poytaxtning Der Tagesspiegel nashri xabariga ko‘ra, aksiyalar nog‘ora chalish va xor kuylash bilan birga kechgan.

Dpa eslatishicha, xuddi shu hududlar so‘nggi haftalarda Isroilning G‘azo sektoriga havo hujumlariga qarshi bir necha bor norozilik namoyishlari sahnasiga aylangan. Jurnalistlarning ta’kidlashicha, bu harakatlarning aksariyati ularning Falastin tarafdorlari ishtirokchilari va poytaxt politsiyasi o‘rtasidagi to‘qnashuvlar bilan yakunlangan.

Germaniyadagi suriyalik qochqinlar

2015 yilda, Suriyadagi fuqarolar urushi avjiga chiqqan paytda Germaniya mamlakatdan deyarli 900 ming qochqinni qabul qilgan. Keyinchalik Germaniyaning o‘sha paytdagi kansleri Angela Merkelning «mehmondo‘stlik madaniyati» doirasida olib borgan bu siyosati uning siyosiy raqiblari tomonidan bir necha bor tanqid qilingan.

8 dekabr kuni Berlinda o‘tkazilgan ko‘cha aksiyalarining ayrim ishtirokchilari Der Tagesspeigel nashriga hozirda Suriyaga «hech bo‘lmaganda bir muddat» qaytib, mamlakatni tiklashda ishtirok etish niyatida ekanliklarini aytishdi. “Zamin” yangiliklarini “Twitter”da kuzatib boring