Aleppodagi Suriya muxolifati jangchilari
Foto: AP Photo
Suriya prezidenti Bashar Asad hokimiyatdan ag‘darilishidan bir oz oldin Ukraina Asadga qarshi guruhlarni harbiy jihatdan qo‘llab-quvvatlagan. Bu haqda The Washington Post (WP) gazetasi Ukrainaning xorijdagi maxsus xizmatlari faoliyati bilan tanish manbaga tayanib xabar berdi.
Manbaga ko‘ra, taxminan, to‘rt-besh hafta oldin Ukraina razvedkasi “Hay’at Tahrir ash-Shom” (HTSH) islomiy guruhining Idlibdagi bosh qarorgohiga 20 nafar tajribali dron operatorlari va, taxminan, 150 ta FVP-dronlarini jo‘natgan.
“Kiyev bu qadam Rossiya va uning suriyalik ittifoqchilarining pozitsiyalariga putur yetkazishiga umid qilgan”, deyiladi xabarda.
G‘arb razvedkasidagi manbalarning fikricha, Ukrainaning yordami Asad rejimini ag‘darishda kamtarona rol o‘ynagan. WP'ga ko‘ra, u “Ukrainaning Yaqin Sharq, Afrika va Rossiyaning o‘zida Rossiya harakatlariga yashirin zarba berish bo‘yicha keng ko‘lamli sa’y-harakatlarining bir qismi sifatida e’tiborga molik”.
Suriyadagi so‘nggi voqealar
Noyabr oyi oxirida qurolli isyonchilar Suriya shimoliy qismiga yurishni boshladi. Ular Idlib viloyatini, mamlakatdagi aholi soni bo‘yicha ikkinchi o‘rinda turuvchi Halab shahrini, Hama va Xoms viloyatlari hududlarining bir qismini o‘z nazoratiga oldi. Ular 8 dekabrga o‘tar kechasi Damashqqa kirdi. Prezident Asad ag‘darilganini e’lon qilishdi.
Suriya prezidenti oilasi bilan Rossiyada boshpana topdi. Isyonchilar uning boshi uchun 10 million dollar mukofot va’da qilgan. Asad Suriyani tark etganidan keyin isyonchilar uning qarorgohiga bostirib kirgan, odamlar buyumlarni talon-toroj qilgan. Qarorgohdagi garajda BMW, Audi, Ferrari, Lamborghini Diablo kabi 50 ga yaqin hashamatli va qimmatbaho avtomobillar aniqlangan.
Idlib shahrida qo‘zg‘olonchilarga rahbarlik qilgan Muhammad al-Bashir o‘zini Suriyaning o‘tish davri hukumati rahbari etib tayinladi. U fuqarolarga qarata qilgan televideniye murojaatida bu lavozimni kamida 2025 yil 1 martgacha egallab turishini ma’lum qildi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
"Mevalar qiroli" mangoning salomatlik uchun qanday foydali xususiyatlari bor?
Mayk Tayson: “Yig‘ladim va qasos olishga va’da berdim”
"Metallurg" 2025 yil Superligada o‘ynaydi
Tadqiqot: Kunlik qahva iste’moli umrni uzaytirib, hayot sifatini yaxshilashga yordam beradi
Rossiya tashqi ishlar vaziri Lavrov amerikalik jurnalistga nimalar dedi?
Germaniyada suriyaliklar Bashar Asad hokimiyatdan ag‘darilganini ommaviy ravishda nishonladi
Turkiya prezidenti dunyoda faqat ikki yetakchi qolganini aytdi
Tokioda tug‘ilish darajasini oshirish uchun 4 kunlik ish haftasi joriy etiladi
