Putin gazni Polsha orqali Evropaga etkazib berishni taklif qildi

^{Foto: Liga.net}
Rossiya prezidenti Vladimir Putin gazni Polsha orqali Evropa davlatlariga etkazib berishni taklif qildi. Bu haqda “Kommersant'” xabar berdi.

Putinning soʻzlariga koʻra, Ukraina orqali gaz tranziti boʻyicha shartnoma yangi yilga bir necha kun qolganda uzaytirilmaydi. Moskva har qanday kontragent bilan shartnoma boʻyicha tranzitni davom ettirishga tayyor. Ukraina Rossiyadan tashqari har qanday davlatdan gazni Evropaga etkazib berishga roziligini aytgan.

“Shartnoma yoʻq va uch-toʻrt kun ichida uni tuzish mumkin emas. U boʻlmaydi”, dedi Putin.

U Rossiya hech qachon Evropaga gaz etkazib berishdan bosh tortmaganini va “iqtisodiy masalalarni siyosiylashtirmaslik” tarafdori ekanini ta'kidladi.

“Polsha oʻz hududi orqali marshrutni yopdi — u erda faol marshrut ham bor, unga hech kim zarar etkazmagan, hech qanday portlashlar boʻlmagan, u ishlayapti, faqat tugmani bosish kifoya — shunda hammasi Polsha hududi orqali oʻtadi. U Yamal-Evropa deb ataladi va toʻgʻridan-toʻgʻri Polsha hududidan oʻtadi. Marhamat, ertaga ishga tushiring — biz etkazib beramiz”, dedi Rossiya prezidenti.

Ukraina hududi orqali Rossiya gazini etkazib berish boʻyicha shartnoma 2024 yil oxirida tugaydi. Ukraina uni uzaytirishni istamasligini ma'lum qilgan. “Gazprom” bilan tranzit boʻyicha kelishuv 2019 yildan beri amal qilmoqda.

Bundan tashqari, Rossiya neftini Ukraina orqali Evropa ittifoqiga “Drujba” neft quvuri orqali ham etkazib beradi. Ukrainaning “Ukrtransafta” va Rossiyaning “Transneft” kompaniyalari oʻrtasidagi shartnoma 2029 yilgacha amal qiladi. “Zamin” yangiliklarini “Telegram”da kuzatib boring