Slovakiya Rossiya va Ukraina oʻrtasidagi muzokaralar uchun platforma taklif qildi

^{Foto: Artyom Geodakyan/TASS/IMAGO}
Slovakiya bosh vaziri Robert Fitso Rossiyaning Ukrainaga qarshi urushini tinch yoʻl bilan hal qilish boʻyicha oʻz davlati hududida muzokaralar oʻtkazishni taklif qildi, dedi Rossiya prezidenti Vladimir Putin. «Oʻtkazilish joyiga kelsak, u (Fitso) agar gap muzokaralar haqida ketsa, oʻz mamlakati bunday muzokaralar olib borish uchun platforma yaratishdan mamnun boʻlishini aytdi», — dedi Putin 26 dekabr, payshanba kuni Minskda Oliy Evrosiyo iqtisodiy kengashi sammiti yakunida.

Kreml rahbarining soʻzlariga koʻra, Rossiya bu taklifga rozi. «Ha, biz bunga qarshi emasmiz. Slovakiya bizning nuqtayi nazarimizdan shunday neytral pozitsiyani egallab turibdi». Putinning ta'kidlashicha, Fitso Moskvaga tashrifi chogʻida «birinchi navbatda Ukraina yoʻnalishida tinchlik kelishuvi haqida gapirgan».

Rossiyalik jurnalistlarning savollariga javob berar ekan, Putin Rossiya urushni tugatishga intilayotganini, ammo 2025 yilda «Maxsus harbiy operatsiyaning barcha vazifalarini hal etishda» davom etishini aytdi.

Zelenskiy: Slovakiya Rossiya gazi uchun suverenitet bilan toʻlaydi

Ukraina prezidenti Volodimir Zelenskiy Slovakiya bosh vaziri Robert Fitsoning Moskvaga tashrifi va uning Rossiya prezidenti Vladimir Putin bilan yakkama-yakka muzokaralarini keskin tanqid qildi. «Ta'kidlash joizki, Moskvadagi uchrashuvdan keyin Fitso va Putin qoʻshma bayonotlar bermadi va ommaviy axborot vositalarining savollariga javob bermadilar, ular jamoatchilikning reaktsiyasidan qoʻrqishadi», deb yozdi Zelenskiy 23 dekabr kuni X ijtimoiy tarmogʻida.

Fitsoning bir kun avval boʻlib oʻtgan tashrifi haqida avvalroq e'lon qilinmadi, uning Putin bilan suhbati tafsilotlari keltirilmadi, biroq bundan oldin Serbiya prezidenti Aleksandr Vuchich bu safar Ukrainaning Rossiya gazining Evropaga tranzitini davom ettirishdan bosh tortgani bilan bogʻliqligini ma'lum qilgan edi.

Ukraina hukumati yaqinda bir necha bor 2025 yil 1 yanvardan boshlab Rossiya gazi va neftining Evropaga tranzitini toʻxtatishini ma'lum qilgan edi. Shu bilan birga, Kiev gazni Rossiya Federatsiyasidan boʻlmasa, boshqa davlatlardan tranzit qilishga tayyorligini ma'lum qildi. Kievning Rossiyaning «Gazprom» korporatsiyasi bilan tranzit shartnomasi 2019 yildan beri amal qiladi.

«Moskva Fitsoga sezilarli chegirmalar beradi, ammo Slovakiya ular uchun toʻlaydi. Bunday chegirmalar bepul emas — Rossiyaga suverenitet yoki yashirin sxemalar bilan toʻlanadi, bu Slovakiya huquq-tartibot idoralari va razvedka xizmatlarini qiziqtirishi kerak», dedi Zelenskiy. “Zamin”ni Telegramʻda oʻqing!