Afgʻonistonning «Tolibon» hukumati Pokiston bilan chegarada harbiy amaliyot boshlagani aytilmoqda. Dastlabki ma'lumotlarga koʻra, Pokistonning bir nechta nazorat-oʻtkazish punkti buzilib, chegaradan oʻtilgan, kamida 19 nafar pokistonlik chegarachi halok boʻlgan.
Harbiy mavzularni yorituvchi telegram-kanallarga koʻra, «Tolibon» Pokiston harbiy-havo kuchlari Afgʻonistonning Paktika viloyatida joylashgan «Tahriqi Tolibon Pokiston» guruhi bazalariga bergan zarbalarga javob qaytarmoqda. Pokistonning aviazarbalari oqibatida 46 kishi halok boʻlgandi.
Tolibon mudofaa vazirligi Pokiston bilan chegaralarni tan olmasligini bildirdi. Xususan, vazirlik vakili Inoyatullo Xorazmiy Afgʻoniston Haybar-Paxtunxva viloyatini Pokiston hududining bir qismi deb hisoblamasligi haqida bayonot berdi.
Ayni damlarda «Tolibon» kuchlari tank, BMP va boshqa zirhli texnikalarni Pokiston chegarasiga tashlamoqda, deyiladi xabarda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
