Pavel Durov rus media kanallariga Evropa Ittifoqi sanktsiya kiritganini tan oldi

^{Foto: AFP}
Evropa Ittifoqidagi ba'zi rus media kanallariga kirish sanktsiyalar va raqamli xizmatlar toʻgʻrisidagi qonunlarga muvofiq cheklandi. Bu haqda Telegram asoschisi Pavel Durov xabar berdi.

«Oʻz navbatida Telegram platformasidagi Gʻarb media kanallaridan Rossiyada erkin foydalanish mumkinligicha qolmoqda. 2025 yilda rossiyalik Telegram foydalanuvchilari Evropanikidan koʻra koʻproq erkinlikka ega boʻladi, deb kim oʻylardi?», deb yozdi Durov.

Avvalroq, Rossiya ommaviy axborot vositalarining Telegram kanallari Evropa davlatlarida ishlamay qoldi.

Evropa Ittifoqi foydalanuvchilari NTV, Rossiya-1, «Perviy kanal», «Rossiyskaya gazeta», RIA Novosti va boshqa federal OAV kanallariga kira olmayotganidan shikoyat qilgan edi. Ular ushbu kanallar mahalliy qonunlarni buzgani haqida xabarnoma olayotganini ta'kidladilar. “Zamin”ni Telegramʻda oʻqing!