Suriya adliya vaziri: Jinoyatga aloqadorlarning barchasi mustaqil sud oldida javob beradi

^{Foto: Anadolu Agency}
Suriya muvaqqat hukumati adliya vaziri Shodi al-Vaysi Asad Bashar rejimi davrida jinoyat sodir etib, mamlakatdan qochganlarni ekstraditsiya qilish va javobgarlikka tortishni talab qilishini aytdi.

Vazir al-Vaysi janubdagi Suvayda viloyatiga tashrifi chogʻida jurnalistlar savollariga javob berdi.

Suvaydaga tashrifi ijobiy boʻlganini ta'kidlagan vazir al-Vaysi shunday dedi: «Fikr almashdik. Aholining fikr va shikoyatlarini tingladik».

Vazir al-Vaysi Adliya vazirligining yangi jarayondagi ustuvor vazifalari haqida gapirar ekan: «Mamlakatni tark etgan jinoyatchilarni ekstraditsiya qilish va sudga berish haqida qonun tayyorlanadi va jinoyatga aloqador shaxslarning hibsga olinishiga qaror qilinadi», dedi.

Qulagan rejim sud tizimini e'tiborsiz qoldirganini ta'kidlagan vazir: «Endi mohiyatga, ya'ni qonunga qaytishimiz kerak. Suriyadagi sud tizimining mustaqil boʻlishini tilayman», deya aytib oʻtdi. “Zamin” yangiliklarini “Telegram”da kuzatib boring