Rossiyaning uchuvchisiz uchoqlari 1 yanvar kuni Kiyev shahriga hujum qildi

^{Foto: Telegram / stranaua}
Rossiyaning uchuvchisiz uchoqlari 1 yanvar, chorshanba kuni ertalab Ukraina poytaxti Kiyevga hujum qildi.

Shaharning Pecherskiy rayonida turar joy boʻlmagan binoga, shuningdek, koʻp qavatli turar joy binosiga zarar etdi, bir necha qavatlar qisman vayron boʻldi. Turar joy binosi hukumat qarorgohi yonida va prezident devonidan, shuningdek, me'moriy yodgorliklar reyestriga kiritilgan uy va Ukraina Milliy banki binosidan uzoq boʻlmagan erda joylashgan.

"Rossiyaliklar Kiyev markazidagi oddiy uylarga zarba berishdi. Kiyev markazidagi uylar kamida toʻrtta "Shahed"lar bilan hujumga uchragan", deb yozdi prezident devoni rahbari Andrey Ermak Telegram-kanalida.

Rossiyaning Kiyevga hujumi oqibatida ikki kishi halok boʻldi

Kiyevning Svyatoshinskiy rayonida uchuvchisiz uchoq qulashi turar joy boʻlmagan binoda yongʻin chiqishiga va tramvay yoʻllarining shikastlanishiga olib keldi. Hujumda, rasmiylarga koʻra, ikki kishi halok boʻlgan, yana etti kishi jarohatlangan. Bu haqda Kiyev shahar harbiy ma'muriyatining yangi rahbari Timur Tkachenko oʻzining Telegram-kanalida ma'lum qildi.

Rossiya Mudofaa vazirligi Kiyevga hujum haqida xabar bermadi. Harbiy departamentning hisobotida Ukraina hududidagi energetika ob'ektiga zarba berilgani aytilgan. Ob'ektning aniq qayerda joylashgani koʻrsatilmagan. Rossiya vazirligi bayonotiga koʻra, shuningdek, harbiy aerodromlar, ekipajsiz katerlar yigʻiladigan maydoncha va «142 ta hududda dushman kuchlari va harbiy texnikasiga» zarbalar berilgan. “Zamin” yangiliklarini “Telegram”da kuzatib boring