Illyustrativ foto: Getty Images
Kursk viloyatida Rossiya armiyasi tarkibida jang qilayotgan shimoliy koreyalik harbiylar Yangi yil kechasi mast holatda edi. Bu haqda Ukraina razvedkasi xabar berdi.
Yangi yil kechasida KXDR askarlari orasida spirtli ichimliklarni iste'mol qilish holatlari kuzatilgan. 31 dekabr va 1 yanvar kunlari ular janglarda qatnashgan.
"Yoʻqotishlar oʻrnini toʻldirish va pozitsiyalarni kuchaytirish uchun rus qoʻmondonlari KXDRning yangi harbiy qoʻshinlarini oldinga oʻtkazmoqda. 31 dekabr va 1 yanvar kunlari Shimoliy Koreya askarlari Kursk viloyatining Ulanok, Fanasevka, Cherkasskaya Uonopolka aholi punktlari yaqinidagi pozitsiyalarga oʻtkazildi", deyiladi razvedka xabarida.
Razvedkaga koʻra, KXDR harbiylari orasida yoʻqotishlar koʻp, biroq yuqori qoʻmondonlikka yoʻqotishlar haqida yolgʻon ma'lumot berilmoqda.
"Shimoliy Koreya askarlarining jangovar ruhi tushib ketgan. Ular doimiy ravishda Ukrainaga qarshi urushda KXDR armiyasining ishtiroki “katta ahamiyatga ega”ligi haqidagi Rossiya armiya tashviqoti bilan “ishlanmoqda”. Yangi yil kechasida Shimoliy Koreya askarlari, shu jumladan jangovar harakatlarga jalb qilingan askarlar oʻrtasida spirtli ichimliklarni iste'mol qilish holatlari qayd etildi", deyiladi xabarda.
Oq uyning strategik aloqalar boʻyicha koordinatori Jon Kirbi bir hafta ichida KXDR ming askarini yoʻqotgani, oʻz joniga qasd qilish holatlari haqida ham ma'lumotlar borligini aytgandi.
Zelenskiy Rossiya armiyasi safidagi shimoliy koreyaliklar haqida
19 dekabr kuni Ukraina prezidenti Vladimir Zelenskiy Bryusselda oʻtkazilgan matbuot anjumanida jurnalistlar savollariga javob berar ekan, “Rossiya Shimoliy Koreya harbiylarini oʻz fuqarolari sifatida niqoblaydi, halok boʻlgan askarlarning yuzlarini yoqib yuboradi”, degandi. Zelenskiy hozircha janglarda 12 ming atrofida Shimoliy Koreya harbiysi qatnashayotganini aytgandi.
"Hozircha 12 mingdan ortigʻini koʻryapmiz. Ular harbiy xizmatchilarimiz qayd etgan miqdordan koʻproq boʻladimi yoʻqmi, bilmayman, koʻramiz. Asirlarga kelsak, hozircha yoʻq. Lekin bizda Shimoliy Koreyaning halok boʻlgan askarlari tasvirlangan video va fotosuratlar bor. Ularni deyarli barchasini Rossiya pasportlari bilan topishmoqda", degan edi Ukraina prezidenti. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Barselona” shov-shuvli supertransfer uchun Rafinyani “qurbon” qiladi(mi?)
Bizda oʻynashga yaramading! “Real” qaysi oʻyinchisidan voz kechmoqchi?
Kambek! 0:2 hisobini 3:2 ga aylantirgan «Milan» Italiya superkubogini qoʻlga kiritdi
Rossiya va Ukraina tinchlik shartnomasini qachon imzolashi ma'lum qilindi
Oqtovda qulagan samolyotning "qora quti"lari rasshifrovka qilindi
Vladimir Putin Rojdestvo bayramini qanday kutib oldi?
Makron: “AQSh Rossiyani Ukraina boʻyicha muzokaralar oʻtkazishga koʻndirishi kerak”
"Barselona" Xon Min Sonni tekinga qoʻlga kiritmoqchi!
