Megan Markl Netflix’da oʻzining shaxsiy layfstayl shousini taqdim etdi (video)

^{Foto: Netflix}
Netflix striming platformasi oʻzining YouTube kanalida yangi “Hurmat bilan, Megan” shousining treylerini namoyish etdi. Loyiha muallifi va boshlovchisi sobiq aktrisa va Sasseks gertsoginyasi Megan Marklning oʻzidir.

Mazkur shou mualliflari soʻzlariga koʻra, Megan Marklning loyihasi layfstayl uslubidagi koʻrsatuvlarga boʻlgan oʻzgacha yondashuvni namoyish etadi. Uning premerasida foydali maslahatlar va turli mehmonlar bilan samimiy suhbatlar boʻlib oʻtadi. Megan Markl esa tomoshabinlarga oʻzining pazandalik mahoratlarini koʻrsatadi va shaxsiy tavsiyalarini baham koʻradi.

^{Foto: Netflix}
Treylerdan guvohi boʻlishimiz mumkinki, shoudagi voqealar faqatgina oshxona binosida tasvirga olinmaydi. Ayrim kadrlarda Meganning haqiqiy asalari boqiladigan joyda asal yigʻayotgani, uy hayvonlari bilan oʻynayotgani va gul doʻkonida florist sifatida oʻzini sinab koʻrayotgani koʻrsatilgan.

Treylerda Markl “har doim oddiy narsalarni yanada yaxshilash, takomillashtirish va odamlarga ularni qadrlashimizni koʻrsatish orqali hayratlantirishni yaxshi koʻraman”, deb ta'kidlagan. Shuningdek, videoda uning turmush oʻrtogʻi, Britaniya shahzodasi Garri ham tasvirga tushgan. “Zamin” yangiliklarini “Odnoklassniki”da kuzatib boring