Mudofaa vazirligi: Rossiya qurolli kuchlari Kuraxovoni nazoratga oldi

^{© Sputnik / Stanislav Krasilnikov}
Rossiyaning “Janub” qoʻshinlar guruhi boʻlinmalari Donbassdagi Kuraxova shahrini nazoratga oldi, deb xabar qildi Mudofaa vazirligi.

“Faol hujum operatsiyalari davomida “Janub” kuchlar guruhi boʻlinmalari Donbassning janubi-gʻarbiy qismidagi eng yirik aholi punkti boʻlgan Kuraxovo shahrini toʻliq ozod qildi”, — deyiladi xabarda.

Kuraxovoni ozod qilishda 5 va 110-motooʻq brigadalari harbiy xizmatchilari jasorat va qahramonlik koʻrsatib, alohida ajralib turishdi.

Vazirlik bu shahar Ukraina Qurolli kuchlari uchun muhim logistika markazi ekanligini tushuntirdi, shuning uchun uning ozod etilishi Ukraina guruhining Donesk yoʻnalishidagi logistika va texnik ta'minotini sezilarli darajada murakkablashtirdi va Kiyev rejimini DXR poytaxtining tinch mavzelariga artilleriyadan oʻq otish imkoniyatidan mahrum qildi.

Shuningdek, vazirlik oʻn yil davomida Ukraina harbiylari shaharni uzoq muddatli oʻq otish punktlari va er osti aloqalarining rivojlangan tarmogʻiga ega kuchli mustahkamlangan hududga aylantirganini eslatdi. Bundan tashqari, Kuraxovo shimoldan suv ombori bilan qoplangan, bu Rossiya hujum boʻlinmalarining manevr qobiliyatini sezilarli darajada cheklagan.

"Kuraxovoni ozod qilish paytida rus qoʻshinlarining professional harakatlari natijasida dushman oʻz shaxsiy tarkibining 80 foizini (12 mingdan ortiq kishi) qariyb uch ming birlik turli xil qurol va harbiy texnika, shu jumladan 40 ta tank va boshqa zirhli jangovar texnikasini yoʻqotdi”, — deya qoʻshimcha qilingan xabarda.

Shu bilan birga, Kuraxovo yaqinidagi ikki oylik jangovar harakatlar davomida Ukraina Qurolli Kuchlarining kunlik yoʻqotishlari oʻrtacha 150 dan 180 gacha harbiy xizmatchinitashkil etgan. Vazirlikning aniqlik kiritishicha, dushman shaharni himoya qilish uchun millatchilar va xorijlik yollanma askarlardan iborat boʻlinmalarni jalb qilib, ularni artilleriya va tanklar bilan mustahkamlagan. Ular orasida elita 79-havo hujumi va 46-aeromobil brigadalari, shuningdek, 5-ogʻir, 33 va 157-mexanizatsiyalashgan brigadalar bor.

Umuman olganda, Mudofaa vazirligi ma'lumotlariga koʻra, Ukraina Qurolli Kuchlari qoʻmondonligi umumiy soni 15 mingdan ortiq harbiy xizmatchilardan iborat 26 ta batalonni jamlagan.

"Kuraxovo qoʻlga kiritilgandan soʻng, rus qoʻshinlari operatsiya maydoniga kirishdi. Bu bizga Donesk Xalq Respublikasi hududini ozod qilish sur'atini oshirish imkonini beradi", — deya qayd etilgan xabarda.

Kuraxovo — DXR gʻarbiy qismidagi shahar, Doneskdan 46 kilometr va Krasnoarmeyskdan (Pokrovsk) 30 kilometr janubda joylashgan. Shahar katta operatsion ahamiyatga ega. Bu Donbassning janubi-gʻarbiy qismidagi eng yirik aholi punkti boʻlib, u Ugledar ozod qilinganidan keyin eng uzoq vaqt Ukraina Qurolli Kuchlari nazorati ostida qolgan. “Zamin” yangiliklarini “Odnoklassniki”da kuzatib boring