Zelenskiy shimoliy koreyalik jangchilar asirga olinganini ma'lum qildi

^{Foto: Telegram / V_Zelenskiy_official}
Ukraina prezidenti Volodimir Zelenskiy Shimoliy Koreyaning ikki jangchisi Ukraina Qurolli kuchlari tomonidan asirga olinganini ma'lum qildi. Ular hozir Ukraina Xavfsizlik xizmatining «tergovchilari bilan muloqot qilmoqda».

«Bu vazifa oson boʻlmadi: odatda ruslar va Shimoliy Koreya jangchilari yaradorlarni yoʻq qilishadi va Ukrainaga qarshi urushda boshqa davlat – Shimoliy Koreya ishtiroki haqida hech qanday dalil boʻlmasligi uchun hamma choralarni koʻradi», deb yozdi u.

Ukraina prezidenti, asirlardan biriga tegishli boʻlgan harbiy guvohnoma fotosuratini ham chop etdi. Hujjat Rossiyaning Tuva hududida 1998 yilda tugʻilgan Aranzin ismli askarniki ekani koʻrinadi.

2024 yil 29 dekabr kuni Ukraina Qurolli kuchlari birinchi marta shimoliy koreyalik jangchi yarador holda asirga olinganini e'lon qildi. Keyinroq asir vafot etgani ma'lum boʻldi.

Ukraina va Janubiy Koreya rasmiylari ma'lumotlariga koʻra, Shimoliy Koreya Rossiyaga yordam uchun 10 ming harbiy yuborgan, Moskva va Pxenyan va bu askarlar urushda qatnashyotganini tasdiqlamagan va rad etmagan ham. “Zamin” yangiliklarini “Telegram”da kuzatib boring