Havo sovuqligi uchun Trampning inauguratsiyasi Kapitoliy ichkarisiga koʻchirildi

^{Kapitoliy, Vashington
Foto: RBK}
Donald Trampning 20 yanvar, dushanba kuni oʻtkaziladigan inauguratsiyasi yopiq joyga koʻchirildi.

Sovuq havo mehmonlar va qatnashchilarni qiynab qoʻymasligi uchun Tramp shaxsan koʻrsatma bergan. Marosim Qoʻshma Shtatlar Kapitoliysi rotondasida (gumbazi ostida) oʻtkaziladi.

«Ob-havo prognoziga koʻra, Vashington, Kolumbiya okrugida shamol omili qoʻshilib havo harorati rekord darajada pasayishi mumkin. Mamlakatga arktik boʻron yaqinlashmoqda. Odamlar aziyat chekishi yoki jarohatlanishini istamayman», — dedi Tramp 17 yanvar kuni Truth Social ijtimoiy tarmogʻida yozgan postida.

Qoʻshimcha qilishicha, bayram paradi Vashingtondagi Capital One majmuasida oʻtkaziladi, siyosatchi qasamyod qilib boʻlgach u erga borishini aytdi.

The New York Times yozishicha, noqulay ob-havo tufayli qasamyod marosimini binoda o‘tkazgan AQSHning so‘nggi prezidenti Ronald Reygan (1985 yil) hisoblanadi. “Zamin” yangiliklarini “Telegram”da kuzatib boring