FIFA prezidenti Janni Infantino AQShning saylangan prezidenti Donald Tramp bilan uchrashdi. Uchrashuv Trampning Floridadagi shaxsiy qarorgohida boʻlib oʻtgan.
“AQSh prezidenti Donald Trampning boʻlajak inauguratsiyasi oldidan uchrashish sharaf edi. Biz 2025 yilning yozida boʻlib oʻtadigan futbol boʻyicha klublar oʻrtasidagi Jahon chempionati va 2026–yilgi futbol boʻyicha Jahon chempionatini muhokama qildik”, – deb yozdi Infantino.
FIFA prezidenti Trampga koʻrsatilgan e'tibor va yaqin oylarda FIFAni qoʻllab-quvvatlashga rozilik bildirgani uchun minnatdorlik izhor etdi.
“Amerika er sharidagi hamma mehmonlarni kutib oladi, futbol esa butun dunyoni birlashtiradi!”, – deya qoʻshimcha qildi Infantino.
Ma'lumot uchun, 2026 yilgi futbol boʻyicha Jahon chempionati 11 iyundan 19 iyuliga qadar AQSh, Meksika va Kanadada boʻlib oʻtadi.
“Zamin” yangiliklarini “Telegram”da kuzatib boring
