Makron: Ukraina inqirozi va Trampning siyosati Evropani birdamlikka undamoqda

^{Foto: Reuters}
Ukraina inqirozi va AQSh prezidenti Donald Trampning yangi administratsiyasi Evropa Ittifoqini birdamlikka hamda yevropaliklarni kollektik xavfsizlik chaqiruvlariga javob tayyorlashga undamoqda. Bu haqda Fransiya prezidenti Emmanuel Makron 3 fevral kungi bayonotida ma'lum qildi.

Fransiya etakchisining soʻzlariga koʻra, Donald Tramp siyosiyati Evropani boshqa davlatlarga qaramligini kamaytirishga ham xizmat qilmoqda.

«Ukrainadagi voqealar, shuningdek, Donald Trampning yangi administratsiyasi tomonidan qabul qilinayotgan qarorlar yevropaliklarni yanada birdam boʻlishga, kollektiv xavfsizlik sohasidagi chaqiriqlarga faolroq javob qaytarishga undayapti», — dedi Fransiya rahbari EI etakchilarining norasmiy uchrashuvida.

Makronning ta'kidlashicha, koronavirus epidemiyasi va Rossiyaning Ukrainadagi tajovuzi qayta uygʻonish nuqtasiga aylangan. Uning aytishicha, Donald Trampning AQSh hokimiyati tepasiga kelishi Evropaning boshqa davlatlarga boʻlgan qaramligini kamaytirish yoʻnalishini belgilab bergan omillardan biriga aylangan.

Fransiya etakchisining qayd etishicha, ittifoq a'zolari «mudofaa sanoati va mudofaa texnologik bazalarini rivojlantirishni davom ettirishi», bundan tashqari, «Evropa ishlab chiqarishiga ustuvorlik bergan holda koʻproq investitsiya kiritishi» kerak.

Avvalroq Evropa komissiyasi AQSh prezidenti Donald Trampni yaqinda qabul qilingan tarif qarorlari ortidan yuzaga kelishi mumkin boʻlgan savdo urushlari oqibatlari haqida ogohlantirgandi. Evropa Ittifoqi vakilining ta'kidlashicha, Evropa Ittifoqi nohaq yoki oʻzboshimchalik bilan tariflarni joriy qilgan har qanday savdo sherigiga «qat'iy javob beradi». “Zamin” yangiliklarini “Telegram”da kuzatib boring