Suriyalik qochoqlarning 170 ming nafar farzandi Turkiyada dunyoga keldi

Suriyadagi mojarolar sabab Turkiyaga qochoqlar kelishni boshlaganidan buyon Turkiyada suriyalik qochoqlarning 170 ming nafar farzandi dunyoga keldi. Bu haqda “Qalampir.uz” sayti yozmoqda.

Turkiyaning Ofatlar va favqulodda vaziyatlarni nazorat qilish boshqarmasi (AFAD)ning ta’kidlashicha, bu holat, o‘z navbatida, mamlakat bo‘ylab onalik va bolalikni muxofaza qilishda homilador va emizikli qochoq ayollarni maxsus oziq-ovqat bilan ta’minlashni talab qiladi.

Turkiya Suriya qochoqlarining eng ko‘pi joylashgan mamlakat hisoblanadi. Shu kungacha Turkiyaga 3 milliondan ortiq suriyalik qochib o‘tgan. Ushbu davlat qochoqlar uchun 12 mlrd AQSh dollari miqdorida mablag‘ sarflagan.

Jahon hamjamiyatining bugungacha qilgan moliyaviy yordami 512 million AQSh dollarini tashkil qilmoqda.

Shuningdek, AFAD urush boshlanganidan buyon Suriyaga 520 mln AQSh dollariga teng gumanitar yordam yuborgan.

Suriyalik 82 ming nafar bola Turkiyadagi o‘z turar joylari hududidagi maktablarga qabul qilindi. Turkiya Ta’lim vazirligi va AFAD hamkorligida 310 ming nafar bog‘cha va o‘rta maktab tarbiyalanuvchilari ko‘chalardan yig‘ib olindi hamda ta’lim va tarbiya muassasalariga qabul qilindi.

115 ming suriyalik voyaga etgan yoshlar AFAD markazlarida tashkil etilgan turli sertifikatlar berish dasturidan foydalanib ishlash imkoniyatiga ega bo‘ldi.

Ko‘plab suriyalik ayollar qochoqlar lagerlarida boshqaruv vazifalarida ish olib bormoqda.

AFAD, shuningdek, qochoqlar orasida erta turmush qurish va ko‘pxotinlilikdan ogoh bo‘lishga qattiq kirishgan.

Mojarolar boshlanganidan buyon 400 ming nafar odam, jumladan, Suriyadagi tinch aholi vakillari halok bo‘ldi. 13,5 mln nafar odam insonparvarlik yordamiga muhtoj bo‘lib qoldi. “Zamin” yangiliklarini “Vkontakti”da kuzatib boring