Foto: REUTERS
20 fevral, payshanba kuni AQSh vitse-prezidenti Jey Di Vens Ukraina Rossiyani magʻlub eta olmasligi, chunki u katta sonli ustunlikka ega ekani va Evropaning qurol-yarogʻ zaxiralari qachondir baribir tugashi haqida ma'lum qildi. U X ijtimoiy tarmogʻida uch yil davomida prezident Donald Tramp bilan Ukrainadagi urush boʻyicha «ikkita oddiy dalil» keltirishganini yozdi.
«Birinchidan, agar prezident Tramp lavozimida boʻlganida urush boshlanmasdi; ikkinchidan, na Evropa, na Bayden ma'muriyati, na ukrainaliklarning gʻalaba sari yoʻli yoʻq edi. Bu uch yil oldin ham, ikki yil oldin ham, oʻtgan yili ham, bugun ham shunday», — deydi Vens.
Tramp «haqiqat va faktlar bilan ishlayapti»
Uning soʻzlariga koʻra, Ukrainaga nisbatan Tramp «haqiqat bilan, ya'ni faktlar bilan ishlayapti». Ular orasida AQSh vitse-prezidenti AQShning Gʻarbiy Evropadagi ittifoqchilarining migratsiya va tsenzura sohasidagi «koʻpchilik amerikaliklarning his-tuygʻularini kamsituvchi» ichki siyosati va «haddan tashqari qaramlikni davom ettirish imkonini beruvchi» mudofaa siyosatini keltirdi.
«Ikkinchidan, rossiyaliklar Ukrainada kuch va qurol-yarogʻ boʻyicha katta son ustunlikka ega va bu ustunlik Gʻarbning keyingi yordam paketlaridan qat'iy nazar saqlanib qoladi. Bundan tashqari, hozirgi vaqtda yordam hali berib kelinmoqda», — dedi vitse-prezident.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
