15:21 / 20.04.2025

Rossiya va Ukraina «246 ga 246» sxemasi bo‘yicha asirlar almashuvi o‘tkazdi

19 aprel kuni Rossiya va Ukraina navbatdagi asirlar almashuvini amalga oshirdi. RF mudofaa vazirligi almashuv «246 ga 246» sxemasi bo‘yicha bo‘lib o‘tganini ma’lum qilgan. TASS xabariga ko‘ra, «ezgu niyat belgisi sifatida» Rossiya Ukrainaga shoshilinch tibbiy yordamga muhtoj bo‘lgan 15 nafar yarador rossiyalik askar evaziga 31 nafar yaradorni ham topshirgan. Rossiya mudofaa vazirligi harbiylar Belarus orqali olib ketilganini ma’lum qildi; 20 aprel kuni ular chiqqan samolyot Moskvaga qo‘ngan («Zvezda» telekanalida asirlarning qaytib kelishi videosi e’lon qilindi).

Rossiya asirligidan jami 277 kishi Ukrainaga qaytarilgan - bu haqda Ukraina prezidenti Volodimir Zelenskiy o‘z telegram-kanalida ma’lum qildi. Rossiyaga jami qancha harbiy topshirilganiga aniqlik kiritilmadi. Ikki tomon ham almashuv Birlashgan Arab Amirliklari vositachiligida amalga oshirilganini ta’kidladi.

20 aprel kuni holatiga ko‘ra faqat Ukraina tomoni ozod qilingan asirlarning rasmiy fotosuratlarini e’lon qilgan. «Meduza» Ukraina harbiylari kutib olingan Chernihivdan suratlarni e’lon qildi.

Zelenskiyning so‘zlariga ko‘ra, ozod etilganlar orasida Ukraina qurolli kuchlari harbiy xizmatchilaridan tashqari, Ukraina milliy gvardiyasi, davlat maxsus transport xizmatlari xodimlari hamda chegarachilar ham bor.

^{Asirlikdan qaytarilganlar Mariupolda, shuningdek, Donetsk oblastidagi boshqa yo‘nalishlarda, Xerson, Luhansk va Zaporijjya oblastlarida jang qilishgan.
Kostiantyn Liberov / Libkos / Getty Images}