NATO sobiq bosh kotibi: Trampga qarshi dunyo demokratiyalari D7 klubida birlashishi kerak!

Siyosiy maydonda jiddiy chaqiriq! NATOning sobiq bosh kotibi Anders Fog Rasmussenning fikricha, AQSH prezidenti Donald Trampning avtoritar tendensiyalariga qarshi kurashish uchun liberal demokratiyalar “D7” — “Yetti demokratiya” klubini tashkil etishi zarur. U bu haqda Innews nashriga bergan intervyusida bayonot berdi.

“D7 – erkin dunyoning qalqoni”
Rasmussenning taklifiga ko‘ra, ushbu yangi klubga quyidagi davlatlar qo‘shilishi mumkin:
- Buyuk Britaniya
- Yevropa Ittifoqi
- Kanada
- Avstraliya
- Yaponiya
- Janubiy Koreya
- Yangi Zelandiya

Bu davlatlar nafaqat demokratiya, balki kuchli iqtisodiy salohiyatga ega. Rasmussenning ta’kidlashicha, ularning umumiy iqtisodiy ulushi jahon iqtisodiyotining 30–40 foizini tashkil etadi. “Bu – katta ta’sir kuchidir”, — deydi u.

“Bizning javobimiz hamjihatlikda”
Rasmussenga ko‘ra, agar ushbu mamlakatlardan birortasiga iqtisodiy bosim o‘tkazilsa — masalan, bojlar orqali — bu butun D7 guruhiga qaratilgan tahdid deb baholanishi lozim.

“Agar Xitoy yoki hatto AQSH tomonidan bojxona tariflari, iqtisodiy sanksiyalar yoki iqtisodiy qo‘rqitish uyushtirilsa, biz barcha birgalikda javob qaytarishimiz kerak. Bu — yagona to‘g‘ri yo‘l”, — deydi NATO sobiq rahbari.

Trampga to‘g‘ridan to‘g‘ri e’tiroz
Anders Fog Rasmussen AQSH prezidenti Trampni qattiq tanqid qilib, uni “avtokrat xususiyatlarini namoyon etayotgan rahbar” sifatida ta’rifladi. Uning fikricha, Tramp dunyodagi savdo munosabatlariga shubhali yondashib, butun dunyoga qarshi “savdo urushlari”ni boshlamoqda.

“Amerika birinchi!” degan shior ortidagi milliy-yegoistik siyosat – Trampning asosiy quroli. Ammo dunyo mana shunday yondashuvlarga munosib javob topishi lozim. AQSHning o‘z hamkorlariga nisbatan hurmatsiz munosabatini chegaralash uchun jiddiy platforma kerak. D7 – ana shu yechimdir”, — dedi Rasmussen.

NATO ham fikrda bo‘linmoqda
Eslatib o‘tamiz, Anders Fog Rasmussen avvalroq Yevropa mamlakatlariga murojaat qilib, “AQSH bilan munosabatlarda endi ilgarigidek ishonchli til topishni kutmasdan, mustaqil strategik qarashlar va harakatlar”ga o‘tish vaqti kelganini aytgandi.

Shu bilan birga, u Trampning Yevropa Ittifoqiga nisbatan shubhali munosabatlarini ham tanqid qilib, “YEI ko‘pincha AQSH uchun Xitoydan ham yomonroq savdo raqibiga aylandi” degan bayonotlarini “haqoratli” deb atagandi. “Zamin”ni Telegramʻda oʻqing!