Aqlli tish cho‘tkasi bilan fosh qilingan xiyonat: ayol erini “gadjet” yordamida ushladi

Bugungi kunda texnologiyalar nafaqat hayotimizni yengillashtirmoqda, balki ba’zan insonning eng maxfiy sirlarini ham fosh qila oladi. Britaniyada sodir bo‘lgan ajablanarli voqea shuning yaqqol misolidir — bir ayol turmush o‘rtog‘ining xiyonatini aqlli tish cho‘tkasi orqali aniqladi.

Hususiy detektiv Pol Jonsning so‘zlariga ko‘ra, uning mijozi birinchi qarashda bema’ni tuyuladigan, ammo aslida jiddiy dalil bo‘lgan ma’lumotlarni “aqlli cho‘tka” ilovasi orqali topgan. Ushbu ilovada oila a’zolarining tish tozalash faolligi aniq vaqt va sana bilan qayd etiladi.

Ayol ilk bor eridan shubhalanmagan. Juma kunlari, u ishda bo‘lishi kerak paytda ham tish tozalash “sessiyalari” qayd etilgan. Ammo bu seanslar doim bir xil vaqtda va faqat juma kunlari takrorlanishi shubhani kuchaytirdi. Ayniqsa, erkakning bu kunlari ish jadvali bo‘yicha ishda bo‘lishi kerakligi barchani hayratga soldi.

Qizig‘i shundaki, erkak uch oydan buyon har juma kuni “ishda” emas, balki uyida bo‘lgan. Ma’lum bo‘lishicha, u o‘zining ishxonasidagi hamkasbi bilan munosabatda bo‘lgan va xotini bilan farzandlari uyda bo‘lmagan vaqtda unga uyiga kelishini taklif qilgan.

Pol Jons shunday xulosa qiladi: “Odatda biz xiyonatni matnli xabarlar yoki elektron maktublar orqali fosh bo‘ladi deb o‘ylaymiz. Ammo hozirgi zamon texnologiyalari, jumladan aqlli qurilmalar haqiqatni sukut saqlagan holdagina fosh etishi mumkin. Ma’lumotlarda xiyonatga iz qoladi: vaqt belgisi, joylashuv ma’lumoti va ulug‘vor aniqlik. Tish cho‘tkasining qaydnomasida soat 10:48 da yuvilgan tishlar haqidagi ma’lumotni izohlab berish ancha qiyin”.

Bu voqea nafaqat internetda muhokamaga sabab bo‘ldi, balki texnologiyalar orqali shaxsiy hayotning qanchalik yoritilishi mumkinligi haqida jamoatchilik o‘rtasida jiddiy fikrlar uyg‘otdi. Haqiqatni fosh qiluvchi “gadjetlar” orqali shaxsiy maxfiylik konsepsiyasi yana bir bor savol ostida qoldi.

Foto: Shutterstock/brizmaker “Zamin”ni Telegramʻda oʻqing!