Moskvada shifoxonada yong‘in xavfi: 500 kishi evakuatsiya qilindi

Rossiya poytaxti Moskvada joylashgan Ichki ishlar vazirligining Bosh klinik gospitalidan 500 nafarga yaqin bemor va tibbiyot xodimlari shoshilinch ravishda evakuatsiya qilindi. Bu haqda favqulodda vaziyatlar xizmati ma’lum qildi.

Ma’lumotlarga ko‘ra, shifoxona yerto‘lasidagi server xonasida qisqa tutashuv ro‘y bergan. Natijada butun binoda elektr ta’minoti uzilib qolgan va xavfsizlik nuqtayi nazaridan odamlarni binoni tark etishga majbur bo‘ldi.

Qutqaruvchilar ayni paytda voqea joyida ish olib borishmoqda. Ular yonib ketish xavfini bartaraf etish hamda binoda qolganlarni chiqarish ishlarini amalga oshirmoqda.

Rasmiy ma’lumotlarga ko‘ra, evakuatsiya qilinganlar orasida 300 dan ortiq bemor va taxminan 170 nafar tibbiyot muassasasi xodimlari bor. Hozircha jabrlanganlar yoki halok bo‘lganlar haqida axborot kelib tushmagan.

Shu bilan birga, mutaxassislar server xonasidagi yong‘in xavfini to‘liq nazoratga olganini ma’lum qilmoqda. Elektr ta’minotini tiklash bo‘yicha ishlar olib borilmoqda.

Hodisa yuzasidan maxsus tergov ishlari boshlangan. Elektr uskunalarining texnik holati va xavfsizlik talablariga qanchalik mosligi o‘rganiladi.

Bu kabi vaziyatlar tibbiyot muassasalarida xavfsizlik standartlarini yanada kuchaytirish zaruratini ko‘rsatib turibdi. “Zamin”ni Telegramʻda oʻqing!