Isroil-Eron mojarosi: qo‘shni davlatlar xavotirga tushdi

Yaqin Sharqdagi siyosiy vaziyat yana bir bor jiddiy tahlikalar ostonasiga kelib turibdi. Bloomberg agentligi tarqatgan ma’lumotlarga ko‘ra, Eronga qo‘shni bo‘lgan bir qator davlatlar Tehronning Isroil bilan ehtimoliy to‘qnashuvidan jiddiy xavotir bildirmoqda.

Ayni paytda, so‘nggi ikki yil ichida Eron bilan diplomatik aloqalarni tiklagan Fors ko‘rfazi davlatlari mintaqa bo‘yicha yuzaga kelishi mumkin bo‘lgan harbiy keskinlikdan xavfsiramoqda. Manbalarning ta’kidlashicha, mazkur davlatlar Isroilning keskin va provokatsion harakatlaridan tashvishga tushmoqda hamda o‘zlari bu ziddiyatga tortilishini istamaydi.

Maqolada ta’kidlanishicha, Eron ham o‘z qo‘shnilarining xavfsizlik masalalarida befarq emasligini his qilib turibdi. Shu bois, ular orqali AQSH rahbariyati, xususan, Prezident Donald Tramp bilan ma’lum bir deeskalatsiya harakatlarini amalga oshirishga urinayapti.

Bundan tashqari, Fors ko‘rfazidagi ba’zi davlatlar mansabdorlari Eronning yadroviy dasturi yuzasidan xavotir bildirib, Isroil tomonidan ko‘rilayotgan tahdidlarga qarshi choralarni ma’qullagan. Ular, ayniqsa, ushbu dasturning amalga oshishi mintaqaviy barqarorlikka jiddiy xatar solishini ta’kidlashgan.

Umuman olganda, mintaqadagi vaziyat yanada keskinlashishi ehtimoli yuqori. Eron-Isroil munosabatlaridagi har qanday o‘zgarish butun Yaqin Sharq geosiyosiy muvozanatiga ta’sir ko‘rsatishi mumkin. Shu sababli, qo‘shni davlatlar nafaqat diplomatik, balki xavfsizlik nuqtayi nazaridan ham juda ehtiyotkor harakat qilmoqda. “Zamin”ni Telegramʻda oʻqing!