Yaqin Sharqdagi harbiy muvozanat yana bir jiddiy sinov ostonasida. AQSHning nufuzli nashri The Washington Post tarqatgan ma’lumotlarga ko‘ra, Isroil o‘z raketalarga qarshi mudofaa tizimidagi perexvatchi (o‘quvchi raketalar) zaxiralarini yaqin vaqt ichida tugatishi mumkin.
Nashr manbasining ma’lum qilishicha, agar AQSH tomonidan zaxiralar yangilanmasa yoki Amerika harbiylari to‘g‘ridan to‘g‘ri yordam ko‘rsatmasa, Isroil hozirgi tezlikdagi hujumlarga qarshi faqat 10–12 kun mobaynidagina mustahkam turish imkoniga ega.
Bu holat, ayniqsa, Eron bilan keskinlashgan munosabatlar, hududiy ziddiyatlar va raketalar bilan bog‘liq xavflar fonida jiddiy xavotir uyg‘otmoqda.
Isroilning yetakchi iqtisodiy nashri The Marker esa yana bir muhim jihatga e’tibor qaratdi — mamlakatdagi raketaga qarshi mudofaa tizimining har kechada amalga oshirilayotgan faoliyati davlatga taxminan 1 milliard shekel, ya’ni 285 million dollar atrofida tushmoqda. Bu ulkan xarajatlar mudofaa imkoniyatlarini yangilash va uzoq muddatli strategiyani qayta ko‘rib chiqish zarurligini anglatadi.
Ekspertlar ta’kidlashicha, agar ehtiyoj qilingan harbiy resurslar o‘z vaqtida taqdim etilmasa, Isroil himoya qobiliyati jiddiy zaiflashishi va mojarolar oldida noqulay holatga tushib qolishi mumkin.
Hozircha AQSH rasmiylari bu borada aniq bayonot bermagan bo‘lsa-da, ikki davlat o‘rtasidagi harbiy hamkorlikni faollashtirishga doir muzokaralar olib borilayotgani aytiladi.
Hududdagi tinchlik va barqarorlik uchun xalqaro hamjamiyat bu holatni diqqat bilan kuzatmoqda. Chunki Isroilning raketa hujumlariga qarshi mustahkam turishi nafaqat mamlakatning, balki butun mintaqaning xavfsizligiga bevosita ta’sir ko‘rsatadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
