Melaniya har kuni Rossiya haqida baqiradi – Tramp pozitsiyasini o‘zgartirdi

Amerikada Donald Trampning tashqi siyosatdagi kayfiyati ham sezilarli o‘zgarishga uchrayotgani kuzatilmoqda. Shuning sababi esa ancha g‘ayrioddiy – u ham bo‘lsa, uning rafiqasi Melaniya Tramp.

Respublikachi partiya vakili Don Bekonning ta’kidlashicha, Melaniya Tramp har kuni er-xotin munosabatlaridan tashqari, siyosiy masalalarda ham faol ishtirok etmoqda.

Bekonga ko‘ra, Melaniya aynan Rossiyaning Ukrainaga yo‘llayotgan doimiy raketali zarbalari haqida Trampga muntazam ravishda gapirib, uning fikrlarini qayta ko‘rib chiqishga majbur qilmoqda.

“Uning gaplaridan so‘ng, Tramp avvalgi so‘zlariga nisbatan o‘zgarish qilyapti. Endi u Moskvaga ultimatum qo‘yib, 50 kun ichida zarbalarni to‘xtatishni talab qilmoqda”, — deydi Don Bekon.

Avvalroq Donald Tramp Rossiya haqida nisbatan yumshoq bayonotlar bilan chiqish qilgan, hatto ayrim hollarda Moskva bilan yaqin aloqalarni tiklashga harakat qilgani uchun tanqidlarga uchragan edi. Ammo Melaniyaning shaxsiy ta’siri, ko‘rinadiki, u bunday yondashuvni to‘xtatishga majbur qilgan.

Ma’lumotlarga ko‘ra, Melaniya Tramp bu mavzuni kundalik tartibga aylantirib, har kuni ertalab eridan Ukrainadagi voqelikka reaksiya talab qiladi. U Rossiyaning zo‘ravon harakatlarini qoralab, bu masalada betaraf qolmaslik kerakligini ta’kidlamoqda.

Siyosiy kuzatuvchilar bu holatni noodatiy, ammo ta’sirli deb baholamoqda. “Agar AQSH prezidenti o‘z siyosatini xonadondagi bosim tufayli qayta ko‘rib chiqsa, bu demokratik jarayonda shaxsiy munosabatlar qay darajada ta’sir qilarini ko‘rsatadi”, — deydi Vashingtondagi tahlilchilardan biri.

Ayni paytda, Trampning Rossiyaga nisbatan pozitsiyasidagi o‘zgarish, uning xatti harakatlari va gap-so‘zlarida ham aks etmoqda. U endi Kremlni faol ravishda tanqid qilmoqda va mojaroga barham berish uchun qat’iy pozitsiyada ekanini ko‘rsatmoqda.

Kuzatuvchilarga ko‘ra, Melaniyaning shaxsiy fikri nafaqat oila, balki butun mamlakat tashqi siyosatini shakllantirayotgan bo‘lishi mumkin. Bu esa Amerika tarixida kamdan-kam kuzatiladigan holatlardan biri bo‘lishi ehtimoldan xoli emas.

Mavzuga oid yangiliklar hamon qiziqish uyg‘otmoqda. Bu ketishda Melaniyaning “ichki frontdagi” ta’siri yanada ko‘proq sezila boshlashi mumkin. Shunday ekan, AQSH tashqi siyosatida “birinchi xonim omili” yangi davrni boshlashi mumkin. “Zamin”ni Telegramʻda oʻqing!