Moskvada joylashgan va Yevropadagi eng katta savdo-ko‘ngilochar majmuasi sanalgan «Aviapark» savdoga qo‘yildi. Pravilamag nashri xabariga ko‘ra, uning egalari obyektni 100-120 milliard rubl miqdorida sotishni rejalashtirmoqda.
Manba ma’lumotlariga ko‘ra, ushbu summaga qariyb yarmi qarz majburiyatlaridan iborat. Xarid takliflari yirik investitsion kompaniyalar va bu sohada faoliyat yurituvchi tashkilotlarga yuborilgan.
«Aviapark» Xodinka dala hududida, SSKA metro bekati yaqinida joylashgan. Uning umumiy maydoni taxminan 400 ming kvadrat metrni tashkil qilib, Yevropadagi eng yirik TRTS maqomini olgan.
Majmua 2014 yilda qurilgan bo‘lib, hozirda AJ «TVK "Aviapark"»ga tegishli. Kompaniyaning egasi esa Kiprda ro‘yxatdan o‘tgan Darkforest Holding Company hisoblanadi (2022 yil dekabridagi ma’lumotlarga ko‘ra).
Qizig‘i shundaki, «Aviapark» 2017 yilda ham savdoga qo‘yilgan edi. Biroq NF Group kompaniyasi vakili Marina Malaxatko ta’kidlashicha, o‘shanda xaridor va sotuvchi o‘rtasida baholashda kelishmovchilik tufayli bitim amalga oshmagan.
-
400 ming m² maydon,
-
100 milliard rubl narx,
-
Yevropadagi eng katta TRTS.
