Issiqdan qochgan xitoyliklar metro va panohlarga tushdi
Xitoyning Chunsin shahrida so‘nggi bir haftada harorat 40°C dan oshib, 3 avgust kuni 44°C ga yetishi kutilmoqda. Shaharning 21 ta tumanida Xitoydagi eng yuqori xavf darajasi hisoblangan qizil ogohlantirish e’lon qilindi. Aholi issiqdan saqlanish uchun metro stansiyalarida to‘planmoqda, qayta jihozlangan bombapanohlar esa salqin ovqatlanish joylariga aylantirilmoqda. Mutaxassislar bunday issiq to‘lqinlarning kuchayishini iqlim o‘zgarishi bilan bog‘lamoqda.
Xitoyning Chunsin shahrida hukm surayotgan g‘ayrioddiy issiqlik xalqni odatdan tashqari yechimlar qidirishga majbur qilmoqda. Reuters axborotiga ko‘ra, shaharda so‘nggi bir haftada harorat 40°C darajadan oshmoqda, 3 avgust kuni esa bu ko‘rsatkich 44°C ga yetishi kutilmoqda.
Shu sababli Chunsinning 21 ta tumanida havo xavfiga oid qizil darajadagi ogohlantirish e’lon qilindi — bu Xitoydagi eng yuqori xavf belgisi hisoblanadi.
Haroratning keskin oshishi aholi hayotiga jiddiy ta’sir ko‘rsatmoqda. Quyoshdan pana topish va issiqdan xalos bo‘lish maqsadida odamlar turli noan’anaviy yechimlarga murojaat qilmoqda:
-
Keksa fuqarolar metro stansiyalarida jamlanmoqda. Ular vestibyullarda karta o‘ynab, suhbatlashib, salqin joyda vaqt o‘tkazmoqda.
-
Qayta jihozlangan bombapanagohlar restoranga aylanmoqda. Aholining ayrim qismi yer osti panohlarini zamonaviy konditsionersiz, tabiiy sovuqlikka ega ovqatlanish joylariga aylantirmoqda. Bu joylar nafaqat ovqatlanish, balki salqinda dam olish uchun ham qulaylik yaratadi.
Mutaxassislar bu holatni iqlim o‘zgarishi bilan bog‘lamoqda va kelgusida bunday issiq to‘lqinlar yanada ko‘payishini bashorat qilmoqda.
Izohlar 0
…