Misr poytaxtida kuchli portlash sodir bo‘ldi

Misr poytaxti Qohira shahrida joylashgan koptlar sobori yaqinida kuchli portlash ro‘y berdi.

Reyter agentligining milliy xavfsizlik xizmatidagi manbaga asoslanib xabar qilishicha, portlash oqibatida 18 kishi halok bo‘lgan va 50dan ortiq kishi jarohatlangan.

Dastlabki ma’lumotlarga ko‘ra, noma’lum shaxs ibodatxonaga portlovchi qurilmani uloqtirgan.