Yaponiya poytaxti Tokioda rasmiylar Fudzi tog‘ining mumkin bo‘lgan otilishiga qarshi tayyorgarlikni kuchaytirdi. Bu borada ular sun’iy intellekt (AI) va kompyuter simulyatsiyalaridan foydalangan holda, vulqon portlashi yuz berishi mumkin bo‘lgan eng yomon ssenariyni namoyish qildi, deb xabar beradi Peopletalk.
Fudzi tog‘i 1707 yildan beri faol otilmay kelmoqda. Shu munosabat bilan rasmiylar portlashning kuchi va ta’sirini ko‘rsatadigan videolarni taqdim etdi. Tokiodagi hukumat videosida aytilishicha, vulqon “istalgan paytda ogohlantirishsiz” portlashi mumkin.
Simulyatsiya shuni ko‘rsatadiki, vulqon kulining taxminan 100 kilometr (62 milya) uzoqlikdagi poytaxtni bir necha soat ichida qoplab, transport tizimining ishlashini to‘xtatishi, oziq-ovqat va elektr ta’minotini uzilishi, shuningdek, uzoq muddatli nafas olish bilan bog‘liq muammolarni yuzaga keltirishi mumkin.
Video yakunida shunday so‘zlar aytiladi: “Biz faktlarga, kundalik hayotimizda falokatlarga qarshi choralar ko‘rishimiz lozim”. Shuningdek, videoda konserva oziq-ovqat va birinchi yordam vositalari bilan to‘ldirilgan oilaviy oshxona ham ko‘rsatilgan.
Tokio hukumati hozircha Fudzi tog‘ining otilish belgilarini qayd etmaganini ta’kidladi: “Simulyatsiya aholiga aniq ma’lumot berish va favqulodda vaziyatlarda qanday harakat qilish bo‘yicha tavsiyalar berish maqsadida ishlab chiqilgan”.
“Zamin”ni Telegramʻda oʻqing!
