Rossiya Ukrainada xorijiy qo‘shinlar joylashtirilishi mumkinligi haqidagi takliflarni rad etdi. Rossiya prezidenti matbuot kotibi Dmitriy Peskovning aytishicha, Ukraina xavfsizligini Yevropa yoki Amerika harbiylari ta’minlashi mumkin emas.
Bu bayonot Parijda o‘tgan sammitdan keyin bildirildi. Sammitda 26 davlat urush to‘xtatilgach, Ukrainaga quruqlik, dengiz yoki havo yo‘li orqali qo‘shin yuborishga tayyorligini aytdi. AQSh prezidenti Donald Tramp esa yordam ko‘proq havo orqali berilishi mumkinligini ma’lum qildi.
Ukraina prezidenti Volodimir Zelenskiy asosiy maqsad urushni to‘xtatish va undan keyin xavfsizlik kafolatlarini mustahkamlash ekanini ta’kidladi.
Shu bilan birga Rossiya hujumlarini davom ettirmoqda. Ukraina shimolida minalarni tozalayotgan ikki kishi halok bo‘ldi. NATO bosh kotibi Mark Rutte Rossiya boshqa davlatlarning Ukrainaga qo‘shin yuborish haqidagi qaroriga aralasha olmasligini bildirdi.
“Zamin”ni Telegramʻda oʻqing!
