Rossiyalik ayolning dam olish safari kutilmagan tarzda sud jarayoniga sabab bo‘ldi. U Birlashgan Arab Amirliklaridagi “hammasi ichiga kiritilgan” xizmatli mehmonxonalardan birini tanlagan edi. Biroq sayyoh kurortga yetib borgach, va’da qilingan spirtli ichimliklar mavjud emasligini aniqladi.
Turoperatorning reklama va’dalariga ishongan ayol, ichimlik olish uchun boshqa amirlikka borishga majbur bo‘lgan. Bu esa qo‘shimcha xarajatlarga va, uning so‘zlariga ko‘ra, ma’naviy noqulayliklarga olib kelgan.
Natijada u turoperatorga qarshi sudga murojaat qilib, 300 ming rubl miqdorida moddiy va ma’naviy zarar puli talab qildi. Sud esa da’vogar ayolning foydasiga qaror chiqardi, ammo tovon miqdorini 30 ming rubl bilan chekladi.
Mazkur voqea turistlar uchun yana bir bor sayohat oldidan shart-sharoitlarni aniqlab olish muhimligini eslatib qo‘ydi.
“Zamin”ni Telegramʻda oʻqing!
