Gen Z yana muhokamada — bu safar ularning uyqusiz tunlarining sababi his-tuyg‘ular emas, balki moliyaviy xavotirlar. Amerisleep o‘tkazgan so‘rovga ko‘ra, bu avlodning 70 foizi pul haqidagi stress orqali uxlay olmaydi. Gap faqat kofe yoki taksi narxining oshishida emas — ular inflyatsiyadan tortib ishsizlikkacha bo‘lgan barcha holatlardan tashvishda.
Biroq xavotir kuchaysa-da, ularning ko‘pchiligi moliyaviy zaxira yaratish yoki budjetni o‘rganishga shoshilmayapti. Aksincha, ko‘plari serial ko‘rish yoki TikTok'da cheksiz vaqt o‘tkazish bilan ovora. So‘rovda qatnashganlarning yarmidan ko‘prog‘i «hech narsani o‘zgartirolmayman, faqat yotganimcha o‘ylayman» deb tan olgan. Lekin bu odat — tunda uzluksiz ijtimoiy tarmoqlarda yurish — xavotirni kamaytirmay, aksincha, yanada oshirar ekan.
Har uchinchi zoomer shu yo‘lni tanlaydi — faol harakat o‘rniga ekran orqali «osoyishtalik». Mutasaddilar esa buni xavfsiz ko‘rinsa-da, oxir-oqibat uyquni buzadigan va ruhiy holatni og‘irlashtiradigan qochish usuli, deya baholashmoqda.
Mutaxassislar sodda bir usulni tavsiya qiladi: «tashvish oynasi». Kuniga 15-20 daqiqa tashvishli fikrlarni yozib chiqish va ularga yechim izlash uyquda tinchlikka xizmat qiladi. Shuningdek, telefon uchun «komendantlik soati» belgilash va gadjetlarni boshqa xonaga qo‘yish tavsiya etiladi.
Nihoyat, moliyaviy barqarorlik hissini oshirish uchun real maqsad qo‘yish lozim: kichikdan boshlang — bir oz mablag‘ni zaxira qiling yoki mayda qarzni yoping. «Bilim xavotirni pasaytiradi», deydi tadqiqotchilar. Ular ba’zan nazoratni qayta qo‘lga olish — taxmin qilishni to‘xtatish va hisob-kitob qilish bilan boshlanishini eslatadilar.
“Zamin”ni Telegramʻda oʻqing!
