Eron Ta’lim vazirligi Isroil bilan o‘tgan 12 kunlik urushni yangi o‘quv darsliglariga kiritdi. Bu haqda vazir Alireza Kazemi xabar berdi. Uning so‘zlariga ko‘ra, boshlang‘ich, o‘rta va yuqori sinf o‘quvchilari uchun maxsus 3 ta kitob tayyorlangan bo‘lib, ularda 12 kunlik urush “g‘ayrioddiy va chiroyli” hikoya sifatida taqdim etilgan. Eronning oliy rahbarlari va Islom inqilobi soqchilari qo‘mondonlari mazkur urushni Eron uchun g‘alaba sifatida baholagan.
Kazemining ta’kidlashicha, 12 kunlik urushdan tashqari, yana 20 ta ta’limiy to‘plam ishlab chiqish jarayonida. Bu to‘plamlarda Eronning raketa dasturi va “Qattiq zarba” nomli bo‘lim mavjud. “Qattiq zarba” iborasi avval Quds kuchlari qo‘mondoni Qosim Sulaymoniyning 2020-yilda olib borgan cheklangan raketa hujumi bilan bog‘lanib, Eronning AQSHning Iroqdagi Ayn al Asad harbiy bazasini nishonga olishiga ishora qiladi. Shundan keyin maktab kitoblariga Sulaymoniy xotirasiga bag‘ishlangan sahifalar qo‘shilgan va Suriyada halok bo‘lgan jangchilar haqidagi ma’lumotlar ham kiritilgan.
1988-yildan beri, Eronning harbiy tarixidagi muhim voqealar yoki isyonchilarning xotirasiga bag‘ishlangan materiallar muntazam ravishda darsliklarda joy olgan. Yaqinda maktablariga Suriyada halok bo‘lgan jangchilar haqida ham materiallar qo‘shilib, ular rasmiy ravishda "maqbarani himoya qiluvchilar" deb nomlangan.
12 kunlik urushning tafsilotlari
12 kunlik urush 2024-yil 13-iyun kuni boshlandi, Isroil Eronning yashirin harbiy-yadro dasturini bahona qilib, keng ko‘lamli operatsiya boshladi. «Axios» nashriga ko‘ra, Isroil 13 iyun kuni Eron ichkarisida yashirin diversiyalar uyushtirib, strategik raketa obektlariga va mudofaa tizimlariga zarar yetkazgan. Shu bilan birga, «Hamdam» va «Tabriz» aviabazalariga hujum qilingan va ulardagi dron va raketa qurilmalari yo‘q qilingan.
Eron bunday ayblovlarni rad etgan va javoban jang maydonida hujumlar uyushtirgan. Ushbu 12 kunlik qarama-qarshilik davomida AQSH ham aralashib, 22 iyun kechasi Eronning yadro obyektlariga zarba bergan. Bunga javoban, 23-iyun kuni Eron Qatardagi AQSHning Al Udeyd bazasini nishonga olgan. Tehron, shu bilan birga, mojaro kengayishini istamasligini va urushning keyingi bosqichga o‘tishiga qarshi ekanini bildirgan.
Ushbu voqea xalqaro siyosat va xavfsizlik sohasida yangi muammolarni keltirib chiqarishda muhim ahamiyat kasb etmoqda. Eron va Isroil o‘rtasidagi uzoq davom etayotgan konfrontatsiyaning yangi bosqichi — bu har ikki tomon uchun ham keskin siyosiy va iqtisodiy natijalarga olib kelishi mumkin.
“Zamin”ni Telegramʻda oʻqing!
