The Jerusalem Post jurnali har yili e’lon qilinadigan «Jahondagi eng nufuzli 50 yahudiy» an’anaviy ro‘yxatini yangiladi. Ro‘yxatga siyosatchilar, tadbirkorlar va madaniyat arboblari kiritilgan, ularning orasida kutilmaganda Rossiya bosh vaziri Mixail Mishustin ham paydo bo‘ldi. Mishustin birinchi marta ushbu ro‘yxatga kirib, 18-pog‘onada joy olgan.
Yangilangan reytingda birinchi o‘ringa Isroil bosh vaziri Binyamin Netanyahu joylashtirildi. Netanyahuning muvaffaqiyatli siyosatdagi yo‘li va jahon miqyosidagi ta’siri ushbu unvonga munosib deb topilgan.
Ikkinchi o‘rinni AQSH prezidentining maxsus elchisi Stiven Uitkoff egalladi, uchinchi o‘rin esa Isroil razvedkasi «Mossad» rahbari David Barneaga nasib etdi.
Shuningdek, kuchli yahudiylar o‘nligiga Oq uy maslahatchilari Stiven Miller va Adam Boeler, AQSH savdo vaziri Hovard Latnik hamda Google hammuassisi Sergey Brin ham kiritilgan. Bu insonlar ham yahudiy jamiyatiga katta ta’sir ko‘rsatib, o‘z sohalarida alohida e’tiborga sazovor bo‘lgan.
Bundan tashqari, Sem Altman va Mark Sukerberg 33-o‘rinda joy olgan, ammo Ukraina prezidenti Vladimir Zelenskiy ro‘yxatga kiritilmagan.
Ro‘yxatdagi o‘sish va o‘zgarishlar, shuningdek, global maydonda yuz berayotgan ko‘plab voqealar va siyosiy holatlarning yorqin aks etishiga bog‘liq.
“Zamin”ni Telegramʻda oʻqing!
