AQSH prezidenti Donald Tramp Nyu-Yorkda BMT Bosh Assambleyasining 80-sessiyasi doirasida Ukraina rahbari Vladimir Zelenskiy bilan qo‘shma matbuot anjumani o‘tkazdi.
Uning aytishicha, Rossiya-Ukraina urushi hali tez orada yakunlanishiga umid yo‘q.
— Rossiya unchalik kuchli emas. Bu ular uchun oson kechishi kerak edi. Ammo ko‘rinib turibdiki, urush uzoqqa cho‘ziladi, — dedi Tramp.
Prezidentning fikriga ko‘ra, Rossiya iqtisodiyoti izdan chiqmoqda va bu tinchlik yo‘lidagi muhim qadam hisoblanadi:
— Eng katta yutuq — bu Rossiya iqtisodidir. U halokatli holatda, vayronaga aylanmoqda. Ochig‘ini aytsam, Ukraina armiyasi katta qo‘shinni to‘xtatishda juda yaxshi ish olib bormoqda, — deya qo‘shimcha qildi u.
Tramp, shuningdek, Xitoy va Hindiston Rossiya neftini sotib olishni davom ettirayotgani sababli ularni urushning “asosiy moliyachilari” sifatida atadi. U Vengriya bosh vaziri Viktor Orban bilan ham muloqot qilib, uni Rossiya neftini xarid qilishdan voz kechishga ko‘ndirish ehtimolini istisno etmadi.
“Zamin”ni Telegramʻda oʻqing!
