Qirg‘iz deputatlari parlamentni tarqatishga qaror qabul qildi
Qirg‘iziston deputatlari parlamentni muddatidan avval tarqatish haqidagi qonunni bir ovozdan ma’qulladi. Parlament raisi Nurlanbek Turg‘unbek uuli bu qaror 2026 yil noyabridagi parlament saylovlari bilan 2027 yil yanvaridagi prezidentlik saylovlari vaqtini moslashtirish uchun qabul qilinganini aytdi. Yangi parlament saylovlari qachon o‘tkazilishi hozircha noma’lum.
Qirg‘izistonda qonun chiqaruvchi organ taqdiriga oid muhim qaror qabul qilindi. Mahalliy OAV ma’lumotiga ko‘ra, deputatlar parlamentni muddatidan avval tarqatish haqidagi qonunni ovozga qo‘yib, bir ovozdan ma’qullashgan.
Parlament raisi Nurlanbek Turg‘unbek uuli ta’kidlashicha, bunday qadam 2026 yil noyabriga belgilangan parlament saylovlari bilan 2027 yil yanvarda o‘tkazilishi ko‘zda tutilgan prezidentlik saylovlari orasidagi vaqtni moslashtirish maqsadida qilingan.
Shu bilan birga, yangi parlament saylovlari qachon o‘tkazilishi haqida hozircha aniq ma’lumot berilmagan.
Izohlar 0
…