Fransiyadagi ommaviy noroziliklar mamlakat bo‘ylab joriy qilingan byudjetni qisqartirish choralariga va hukumatning yangi iqtisodiy siyosatlariga qarshi boshlangan. Kasaba uyushmalarining ma’lumotlariga ko‘ra, bunday namoyishlarda 250 mingdan ortiq odam qatnashishi kutilmoqda, jamoat tartibini saqlash uchun 76 ming politsiya xodimi safarbar qilingan.
Noroziliklar asosan Parij, Marsel, Nant, Bordo va Ajacha shaharlarida boshlandi, keyinchalik Lion, Brest, Renn va boshqa shaharlarda ham namoyishlar tashkil etiladi. Eng katta marshi Parijda bo‘lib o‘tadi, u yerda 20 mingdan 40 minggacha odam ishtirok etishi kutilmoqda.
Namoyishlar jamoat transportiga salbiy ta’sir ko‘rsatmoqda. Parijda bir nechta metro bekatlari yopilgani, tramvay va poyezd qatnovida uzilishlar kuzatilmoqda. Shuningdek, avtobuslarning harakatiga ham to‘siqlar paydo bo‘ldi.
Fransiyadagi yirik sanoat korxonalari, shu jumladan Stellantis va Michelin zavodlari ham namoyishchilar tomonidan to‘sib qo‘yildi. Ta’lim sohasida ham o‘zgarishlar kuzatilmoqda, maktablarning ayrimlari yopildi, o‘qituvchilarning 27 foizi namoyishlarga qo‘shilgan.
Noroziliklarning kengayishi mamlakatdagi ijtimoiy-iqtisodiy vaziyatga jiddiy ta’sir qilishi kutilmoqda, bu esa olib borilayotgan islohotlarning muvaffaqiyatiga qaratilayotgan katta e’tiborni anglatadi.
“Zamin”ni Telegramʻda oʻqing!
