Ukrainaning Yevropa Ittifoqiga a'zo bo'lish umidlari

Yevropa komissiyasi Ukraina bilan Yevropa Ittifoqiga a'zo bo'lish bo‘yicha aniq muzokaralarni joriy yil oxirigacha boshlashni kutmoqda. Bu haqda nomzod davlatlarning yutuqlariga oid so‘nggi hisobotda ma'lum qilingan.

Hujjatga ko‘ra, Kiev oltita muzokara bo‘limidan uchtasini ochish uchun zarur bo‘lgan shartlarni bajargan. Bryussel rasmiylari Ukrainaning qolgan yo‘nalishlar bo‘yicha ishni tezda yakunlashiga umid qilmoqda, bu esa Yevropa Ittifoqi Kengashiga yil oxirigacha barcha bo‘limlarni muzokaralar uchun ochishga imkon beradi.

Ukraina va Moldova 2022 yil iyun oyida nomzodlik maqomini olgan edi, rasmiy muzokaralar esa 2024 yil iyunida boshlanishi rejalashtirilgan. Ushbu uchrashuvlar Belgiya tomonidan tashkil etilgan bo‘lib, bu mamlakat Yevropa Ittifoqidagi raislikni yanada ehtiyotkor pozitsiyaga ega bo‘lgan Vengriyaga topshirishdan oldin amalga oshirilgan.

Ijobiy o‘zgarishlarga qaramay, ayrim ekspertlar Ukrainani Yevropa Ittifoqiga uning hozirgi hududiy chegaralarida qabul qilish imkoniyatiga nisbatan shubha bildirmoqda. Shu bilan birga, Yevropa komissiyasi hisobotida Kievning ayniqsa qonun ustuvorligini ta'minlash sohasidagi islohotlarni tezlashtirishi lozimligi ta’kidlangan.

Yevropa Ittifoqiga qo‘shilish jarayoni juda uzoq va murakkab hisoblanadi. Masalan, hozircha so‘nggi a’zo davlat bo‘lgan Xorvatiya (2013 yilda a'zo bo‘lgan) ikki tomonlama muzokaralarni deyarli sakkiz yil davomida olib borgan.

“Zamin”ni Telegramʻda oʻqing!