Falastin–Isroil mojarosi yillar davomida jahon siyosiy manzarasida eng keskin nuqtalardan biri bo‘lib kelmoqda. Ayniqsa, G‘azo sektoridagi vaziyat har bir yangi bayonotdan keyin yanada taranglashmoqda. Shu kunlarda Isroil mudofaa vaziri Israel Kas bildirgan yangi bildiruv ham xalqaro hamjamiyat e’tiborini yana o‘sha nuqtaga qaratib qo‘ydi.
Isroil G‘azoning nazoratdagi qismida mustaqil harakat qilmoqchi
Israel Katsning ta’kidlashicha, Isroil hukumati G‘azo sektoridagi ayrim hududlarda HAMAS jangarilarini quroldan xoli qilishni o‘z zimmasiga oladi. Uning so‘zlariga ko‘ra, nazorat qilinmaydigan boshqa hududlarda bu vazifani xalqaro kuchlar yoki Isroil armiyasi bajarishi mumkin.
Siyosatchining X tarmog‘idagi yozuvi Isroilning hozirgi strategiyasi jiddiy o‘zgarishlar ostonasida ekanini ko‘rsatdi.
Kas: «Falastin davlatiga yo‘l yo‘q»
Mudofaa vaziri yangi bayonotida Isroilning Falastin masalasidagi siyosiy pozitsiyasini yana bir bor qat’iy shaklda ta’kidladi. Uning aytishicha, mamlakat Falastin davlatining tashkil etilishiga qarshiligicha qoladi va bu masalada o‘z qarashini o‘zgartirish niyati yo‘q.
Katsning ta’kidlashicha, Isroilning asosiy maqsadi — G‘azoni to‘liq demilitarizatsiya qilish, ya’ni hududdagi tunnellardan tortib, har qanday qurol zaxiralarigacha barchasini tugatish. Shu bilan birga, HAMAS harakatini to‘liq qurolsizlantirishni davom ettirish maqsad qilib qo‘yilgan.
G‘azoda oteshkesim amal qilmoqda, ammo vaziyat beqaror
Ma’lumki, 10-oktyabrdan buyon G‘azo hududida o‘t ochishni to‘xtatish haqidagi kelishuv amal qilib kelmoqda. HAMAS va Isroil o‘rtasidagi o‘zaro kelishuvga muvofiq, tomonlar muntazam ravishda garovda bo‘lganlar jasadlarini almashishni davom ettirayapti.
Shunga qaramay, mintaqadagi siyosiy va gumanitar vaziyat hali ham juda noaniq va xavotirli.
Dunyo davlatlarining aksari Falastinni tan olgan
Ayni vaqtda dunyodagi 150 dan ortiq mamlakat Falastin mustaqilligini rasman e’tirof etgan. Bir necha oy oldin esa bu ro‘yxat yana kengaydi — Fransiya, Buyuk Britaniya, Kanada, Portugaliya va Avstraliya ham Falastin davlatini tan olganini ma’lum qilgan.
Bu jarayon xalqaro siyosiy maydonda katta ahamiyatga ega bo‘lib, Falastinning nufuzini yanada mustahkamlamoqda. Biroq Isroil o‘z pozitsiyasidan chekinmayotgani bo‘lg‘usi muzokaralarni yanada murakkab qilishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
