AQShning ehtimoliy harbiy choralariga doir ogohlantirishlari Venesuelada siyosiy taranglikni kuchaytirmoqda. Biroq Karakasda oddiy aholi uchun asosiy muammo – bozorlardagi oziq-ovqat narxlarining keskin oshishi. Ko‘pchilik siyosiy xavf haqida emas, kundalik tirikchilik haqida qayg‘urmoqda.
Quinta Crespo bozorida savdogarlar dollar kursining o‘sishi tufayli xarid qobiliyati pasayib ketganini aytmoqda. Xalqaro valyuta jamg‘armasi bolívar (Venesuela milliy valyutasi) bir yil ichida 80 foizga qadrsizlanganini bildirgan. Oqibatda eng oddiy mahsulotlar ham aholining oylik daromadidan qimmatga tushmoqda.
Siyosiy bosim ortib, 2024-yilgi bahsli saylovlardan so‘ng minglab odamlar hibsga olingan. Aholi noaniqlikdan xavotirda bo‘lsa-da, ko‘pchilikning asosiy e’tibori baribir kundalik xarajatlar va oziq-ovqat topish masalasida.
Inflyatsiya oyiga 20 foizga yaqinlashgan, yil yakunida narxlar 500 foizdan oshishi kutilyapti. Shuning uchun Karakas ko‘chalarida odamlarni ko‘proq qiynayotgan narsa – urush xavfi emas, balki kundan-kunga og‘irlashayotgan iqtisodiy holat.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
