Indoneziya poytaxti Jakarta dunyoning eng zich aholi yashaydigan shaharlari reytingida Tokioni ortda qoldirdi. BMT ma’lumotlariga ko‘ra, Jakarta metropolisida 42 million aholi istiqomat qiladi.
Keyingi o‘rinda 37 million aholiga ega Bangladesh poytaxti Dakka, uchinchi o‘rinda esa 33 million aholiga ega Tokio joylashgan. Eslatib o‘tish kerakki, 2018 yilgi hisobotda birinchi o‘rin Tokioga tegishli edi.
Hisobot shuni ko‘rsatadiki, 1950 yilda dunyo aholisining qariyb 20 foizi shaharlarda yashagan bo‘lsa, hozir bu ko‘rsatkich 50 foizga yetgan. 2050 yilgacha dunyo aholisi o‘sishining uchdan ikki qismi shaharlarda yashashi kutilmoqda.
Aholisi eng ko‘p bo‘lgan 10 ta shahar — Jakarta, Dakka, Tokio, Yangi Dehli, Shanxay, Guanchjou, Qohira, Manila, Kalkutta va Seul — shundan to‘qqiztasi Osiyo qit’asida joylashgan.
BMT Bosh kotibining iqtisodiy va ijtimoiy masalalar bo‘yicha o‘rinbosari Li Junxiya ta’kidladiki:
“Shaharlashuv zamonamizni belgilaydigan asosiy kuchdir. Agar uni to‘g‘ri boshqarish mumkin bo‘lsa, iqlim o‘zgarishi, iqtisodiy rivojlanish va ijtimoiy adolat uchun yangi imkoniyatlar ochilishi mumkin.”
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
