Hindistonda yana bir serhasham va olamshumul to‘y bo‘lib o‘tdi — bu gal farmatsevtika sohasidagi yirik tadbirkor oilasi qizi va IT-tarmoqda tanilgan tadbirkorning nikoh marosimi yurtda katta muhokamalarga sabab bo‘ldi. O‘tgan yili mamlakatda Ambani oilasining “asr to‘yi” tilga tushgan bo‘lsa, bu safargi tadbir ham undan qolishmadi va ko‘pchilikning diqqatini o‘ziga qarata oldi.
Ingenus Pharmaceuticals kompaniyasi rahbarining qizi Netra Mantena va Superorder platformasi asoschisi Vamsi Garidaju to‘ylarini Hindistonning eng mohir va go‘zal shaharlaridan biri — Udaypurda nishonlashdi. Hind an’analariga xos tarzda marosimlar uch kun davom etdi va har bir kuni o‘zining alohida shukuh-salohiyati bilan ajralib turdi.
Aktyor Anant Ambanining hashamatli to‘yi bilan solishtirilganda xarajat kamroqdek ko‘rinishi mumkin, ammo bu to‘y ham mutlaqo kamtarona o‘tmadi. Udaypurdagi eng lyuks mehmonxonalar to‘liq ijaraga olindi, Gollivud yulduzlari taklif etildi, nufuzli mehmonlar ishtirok etdi — hammasining o‘ziyoq tadbirni yanada mashhur qildi.
Tantanalar The Leela Palace Udaipur mehmonxonasida boshlandi — Pichola ko‘lidagi mazkur besh yulduzli majmua xuddi qirol saroyini eslatadi. Kelin-kuyov 1729-yilda barpo etilgan Zenana Mahal saroyiga borishdi, yakuniy marosimlar esa yopiq oroldagi xususiy mulkda o‘tdi.
To‘y sahnasida Jennifer Lopes va Jastin Biber kuy-qo‘shiqlar ijro etdi — Jey Loning hind sarini eslatuvchi pushti libosdagi suratlari internetda allaqachon tarqaldi.
Marosimda Bollivud yulduzlari qo‘shiq kuylab, raqslar namoyish qilib berdi. Tanaffuslarda esa “Cirque du Soleil” akrobatlari tomoshabinlarni lol qoldirdi. Aytishlaricha, umumiy xarajat taxminan 9 million dollarga yetgan.
Netra Mantena bir necha nafis obrazlarni almashtirdi. Uning asosiy to‘y kiyimi — oltin kashta bilan bezatilgan qizil sari — ko‘pchilikni maftun etdi. Ko‘rinish yirik ziraklar, bilaguzuklar, bosh bezaklari va an’anaviy zargarlik buyumlari bilan to‘ldirildi. Kechki ziyofat uchun esa kelin pushtirang, mayda brilliantlar bilan bezatilgan ko‘ylakni tanladi.
O‘tgan yil Ambani to‘yida Mark Sukerberg, Bill Geyts, Kardashyanlar, Ivanka Tramp, Bekhemlar va yana ko‘plab mashhurlar qatnashgani hanuz yodda. Bu yilgi to‘yga esa kichik Donald Tramp va uning qallig‘i Bettina Anderson tashrif buyurdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
