Tojikiston-Afg‘oniston davlat chegarasida uyushtirilgan qurolli hujum natijasida uch nafar Xitoy fuqarosi qurbon bo‘ldi, deb Xitoyning Tojikistondagi elchixonasiga tayanib Reuters xabar berdi. Bu fojia 26 noyabr kuni Afg‘onistonning janubi-g‘arbiy Xatlon viloyati yaqinida sodir bo‘ldi. Elchixona ma’lumotiga ko‘ra, yana bir nafar Xitoy fuqarosi jabrlangan.
Dronlar bilan uyushtirilgan hujum tafsilotlari
Tojikiston Tashqi ishlar vazirligining bayonotiga ko‘ra, vafot etganlarning barchasi chegara zonasida faoliyat yurituvchi «Shahin SM» MChJ kompaniyasi xodimlari bo‘lgan. Hujumning o‘ziga xosligi shundaki, u Afg‘oniston hududidan granatali dronlar vositasida amalga oshirilgan.
Aybdor tomon aniqlanmagan, biroq Xitoy Dushanbeni tezkor taftish o‘tkazishga chaqirdi va o‘z fuqarolarini chegara hududini zudlik bilan tark etishga undadi.
Afg‘onistonning reaksiyasi
Afg‘oniston (Kobul ma’muriyati) Tashqi ishlar vazirligi bayonotida: ushbu hodisa mintaqada beqarorlik va ishonchsizlikni yuzaga keltirishga urinayotgan noma’lum guruhning ishi ekani aytildi. Kobul ma’muriyati dastlabki baholashni o‘tkazgani va Tojikiston bilan to‘liq hamkorlik qilishga tayyorligini bildirdi.
Bu hujum Tojikiston-Afg‘oniston chegarasidagi xavfsizlik darajasi yana-da pasayganini va bu mintaqaviy tartibsizlikdan xalqaro qurbonlar bo‘layotganini ko‘rsatadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
