Rossiyadagi nufuzli «Adolatli Rossiya — Haqiqat uchun» partiyasi rahbari Sergey Mironov mamlakatdagi migratsiya holati keskin va qat’iy choralar ko‘rishni talab qilayotganini ta’kidladi. «Rossiya 24» telekanali эфирида so‘zlagan siyosatchi, partiyaning migrantlarga qarshi uchta fundamental taklifini ilgari surdi, ular orasida Markaziy Osiyo davlatlari bilan viza rejimini o‘rnatish ham bor.
Siyosatchining keskin asoslari
Mironovning so‘zlariga ko‘ra, ayrim joylarda Rossiya fuqarolari o‘z joylaridan ketishga majbur bo‘lmoqda, chunki bu hududlarni «kelgindilar bosib olgan va o‘z urf-odatlari ga ko‘ra yashayotgan». U ochiqchasiga «ular Rossiya qonunlariga umuman tupurib qo‘ygan» deya, vaziyatning keskinligini oshirdi. Uning ta’kidlashicha, holat bir necha qat’iy choralar ko‘rilishini talab qiladi.
Qarindoshlarni jamoaviy jazolash taklifi
Birinchi taklif — patent tizimidan vaxta (rotatsiya) usuliga o‘tish. Ishchilar aholi punktlarida emas, balki ob’ekt qurilayotgan yerning o‘zida yashash joylari bilan ta’minlanishi kerak. Tamoyil: «Keldi – ishladi - pul topdi – ketdi».
Ikkinchi taklif — agar migrant jinoyat qilsa, uni qonun bo‘yicha jazolash, ammo butun oila a’zolarini va qarindoshlarini zudlik bilan Rossiyadan deportatsiya qilish. Bu, aslida, jamoaviy jazolash mexanizmining joriy etilishini anglatadi.
Uchinchidan, Markaziy Osiyo davlatlari bilan viza rejimini o‘rnatish. Siyosatchi bunga ertami-kechmi erishilishiga ishonch bildirdi.
Mironov avval ham bunday keskin choralar haqida gapirgan. Uning ta’kidlashicha, hozirgi miqyosdagi migrantlar oqimining faqat kichik bir qismi ishchi bo‘lib, qolganlari «shaxsiy, oilaviy sabablarga ko‘ra» keladi va bu ijtimoiy sohaga ortiqcha yuk bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
