Rossiyaning Vladimir viloyatida o‘zbekistonlik fuqaroni o‘ldirish bilan bog‘liq dahshatli jinoyat sodir etildi. Bu haqda Upl.uz xabar beradi.
Jinoyatga 48 yoshli mahalliy ayol gumon qilinmoqda, u erkakni bo‘g‘ib, uning jasadini o‘z bog‘ida olma daraxti ostiga ko‘mib tashlagan. Marhum 54 yoshda bo‘lib, uzoq muddat Rossiyada yashagan va Pokrov beton zavodida ishlagan.
Uning yaqin qarindoshi noyabr oyida erkakning bedarak yo‘qolganini huquq-tartibot idoralariga ma’lum qilgan. Aniqlanishicha, 16-noyabr kuni marhum Petushin tumanining Staroye Perepechino qishlog‘ida 48 yoshli tanishi bilan uchrashgan.
Dastlabki ma’lumotlarga ko‘ra, ular birgalikda spirtli ichimlik iste’mol qilgan va o‘rtalarida janjal kelib chiqqan. Erkak yerga qulagach, ayol uni arqon bilan bo‘g‘ib o‘ldirgan va jasadni olma daraxti ostiga ko‘mgan.
Ma’lumotlarga ko‘ra, ayol narkotik moddalarga qarshi qaramlikdan aziyat chekkan bo‘lib, erkakdan pul so‘ragan, lekin rad javobidan so‘ng uni shafqatsizlarcha o‘ldirgan. Hozirda tergov jarayonlari davom etmoqda, sud-tibbiy ekspertizalar o‘tkazilib, voqeaning barcha tafsilotlari aniqlanmoqda.
Mehmon guruhidagi foydalanuvchilar ushbu nashrga izoh qoldira olmaydi.
