Ukraina Moliya vazirligi ma’lumotiga ko‘ra, shanba tongi raketalar va dronlar bilan amalga oshirilgan hujumlar Kiyev hamda Kiyev viloyati, Chernigov, Sum, Poltava va Xarkov viloyatlaridagi energetika infratuzilmasiga jiddiy zarar yetkazdi.
Poytaxt Kiyevda 500 mingdan ortiq, Kiyev viloyatida 100 mingdan ziyod, Xarkov viloyatida esa 8 mingga yaqin iste’molchi elektr ta’minotisiz qolgan.
Barcha hududlarda soatma-soat cheklovlar joriy qilingan. Sanoat va biznes subyektlari uchun ham quvvat taqsimoti bo‘yicha cheklovlar amal qilmoqda.
Energetik kompaniya DTEK ma’lumotiga ko‘ra, Kiyevning Obolon, Solomenka, Shevchenko, Podol, Goloseyev va Svyatoshin tumanlarida aholi elektrsiz qolgan. Rossiya hujum yuzasidan rasmiy izoh bermagan.
Bu orada Rossiyaning Kursk viloyati gubernatori Aleksandr Xinshteyn Ukrainaning zarbasi oqibatida Rilsk tumanidagi energetika inshootlari zararlanganini va 600 kishi elektrsiz qolganini ma’lum qildi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
