Germaniya hukumati Rossiyani 2024-yilda mamlakat havo harakati boshqaruviga qilingan kiberhujumda aybladi. Berlin bu masalada Rossiya elchisini chaqirib, rasmiy norozilik bildirdi. Germaniya rasmiylariga ko‘ra, hujumni Rossiya razvedkasiga aloqador xakerlar amalga oshirgan.
Rasmiy ma’lumotlarga ko‘ra, hujum 2024-yil avgust oyida sodir bo‘lgan va tizim ishiga xavf solgan. Hukumat bu voqeani mamlakat xavfsizligiga qarshi qaratilgan jiddiy urinish sifatida baholamoqda.
Shuningdek, Berlin Rossiyani fevral oyida bo‘lib o‘tgan federal saylovlarga aralashishga harakat qilganlikda aybladi. Rasmiylar soxta videolar va yolg‘on ma’lumotlar orqali saylov jarayoniga ta’sir o‘tkazishga urinishlar bo‘lganini aytmoqda.
Germaniya endi Yevropa davlatlari bilan birga Rossiyaning bu ishlariga javob choralarini ko‘rishini bildirdi. Rossiya tomoni esa hozircha bu ayblovlarga munosabat bildirmagan.
“Zamin”ni Telegramʻda oʻqing!
