Eyvon va Somerset politsiyasi Bristol muzeyi omborxonasida sodir bo‘lgan madaniy boyliklarning yirik o‘g‘irlanishini tergov qilmoqda. Jinoyatchilar Britaniya imperiyasi va Hamdo‘stlik tarixiga oid 600 dan ortiq artefaktlarni o‘g‘irlashdi, deb xabar beradi CNN.
Jinoyat 25 sentyabr kuni erta tongda sodir etilgan, biroq huquq-tartibot idoralari xodimlari qidiruvdagi to‘rt kishining suratlarini e’lon qilib, jamoatchilikdan yordam so‘ragan. Tergovchilarning so‘zlariga ko‘ra, o‘g‘irlangan buyumlar "muhim madaniy qiymat"ga ega bo‘lib, ularning aksariyati muzeyga sovg‘a qilingan.
Detektiv konstebl Den Burgan bu hodisani shahar uchun jiddiy zarba deb atadi: "Katta madaniy ahamiyatga ega bo‘lgan juda ko‘p buyumlarning o‘g‘irlanishi Bristol uchun katta yo‘qotishdir. Ushbu artefaktlar bizga Britaniyaning murakkab, ko‘p qatlamli tarixini tushunishga yordam beradigan to‘plamning bir qismidir va biz jamoatchilik bizga aybdorlarni aniqlashda yordam berishiga umid qilamiz."
Bi-bi-si ma’lumotlariga ko‘ra, yo‘qolgan buyumlar orasida Ost-Indiya kompaniyasi davridagi harbiy nishonlar va to‘g‘nog‘ichlar, zargarlik buyumlari, o‘yma haykalchalar va boshqa bezak buyumlari bor.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
