AQShda rossiyalik xakerlikda ayblanib hibsga olindi, deb xabar qildi Sputnik nashri.
"Kelib chiqishi rossiyalik bo‘lgan, ayni vaqtda AQSh fuqaroligiga ega Aleksandr Tverdoxlebov amerikaliklarning bank hisob raqamlariga xakerlik hujumlarini uyushtirganlikda ayblanib, hibsga olingan. Bu haqda sud hujjatlari dalolat beradi", — deyilgan xabarda.
Nashrga ko‘ra, Tverdoxlebov 1 fevral kuni Los-Anjelesdagi Virginiya shtati, Aleksandriya shahar sudi tomonidan ilgari surilgan ayblovlar asosida qo‘lga olingan. Ayblov versiyasi bo‘yicha Tverdoxlebov minglab amerikaliklarning hisob raqamidan pullarni o‘margan.
Sud hujjatlariga muvofiq, Tverdoxlebovni hibsga olish uchun order 19 yanvar kuni berilgan.
"Ayblanuvchi kamida 2008 yildan buyon xalqaro kiberjinoyatchilik faoliyatiga jalb qilingan va hozirga qadar bu ish bilan shug‘ullangan. U rus tilida so‘zlashuvchi oliy toifali xakerlik forumlari a’zosi", — deyilgan ayblovda. Ayblov versiyasiga ko‘ra Tverdoxlebov ushbu forumlarda "bir nechta noqonuniy sxemalar, jumladan, o‘g‘irlangan kredit kartochkalari va ular haqida ma’lumotlar, noqonuniy pul aylanmasini reklama qilgan".
Tverdoxlebovga qo‘yilayotgan ayblovlar uning internet-chatlariga asoslangan va hozircha pul qay tarzda o‘marilgani haqida batafsil ma’lumot berilgani yo‘q.
Daily Beast nashrining yozishicha, Tverdoxlebov AQShga Rossiyadan kelgan va 2009 yilda amerikalik ayolga uylanib, AQSh fuqaroligini olgan. Ayni vaqtda er-xotin ajrashishgan. Shu bilan birga erkak sud hujjatlarida "Rossiya fuqarosi" sifatida ko‘rsatilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
